Qırmızı.az
Qənirə Paşayeva ön cəbhədə 31 mart soyqırımı ilə bağlı görüş keçirib
Tovuz rayonunda Ermənistanla ön cəbhədə hərbi hissədə 31 Mart - Azərbaycanlıların Soyqırımı Gününə həsr olunmuş tədbir keçirilib.
Publika.Az-ın məlumatına görə, tədbir 31 Mart soyqırımı qurbanlarının xatirəsinin bir dəqiqəlik sükutla yad edilməsi ilə başlayıb. Daha sonra çıxış edən hərbi hissə rəhbərliyi 1918-ci ilin martında erməni daşnaklarının azərbaycanlılara qarşı törətdiyi soyqırımdan, xalqımızın üzləşdiyi tarixi faciələrdən danışdı və bu cür anım tədbirlərinin hərbi hissələrdə keçirilməsinin əhəmiyyətini vurğuladı. Tədbirdə çıxış edən millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva ermənilər tərəfindən azərbaycanlılara qarşı törədilən soyqırım aktlarının xronologiyası, xalqımızın XX yüzildə yaşadığı tarixi hadisələr və onların mahiyyəti haqqında ətraflı danışdı. Millət vəkili Qənirə Paşayeva 31 Mart soyqırımı ilə bağlı rəhbərlik etdiyi Avrasiya Beynəlxalq Araşdırmalar İnstitutu İB tərəfindən hazırlanan "Azərbaycan həqiqətləri" seriyasında 20-ci əsrin əvvəllərində erməni terror təşkilatlarının Azərbaycanda dinc azərbaycanlılara qarşı həyata keçirdiyi soyqırımlar - “Soyqırımı:Bakı”, “Soyqırımı:Quba”, “Soyqırımı:Şamaxı” adlı 3 film barədə məlumat verib. Millət vəkili bildirib ki, bu filmlərin hazırlanmasında, ölkəmizdə və xarici ölkələrdə yayılmasında məqsəd 20-ci əsrin əvvəllərində erməni terror təşkilatlarının, erməni silahlı dəstələrinin topraqlarımızda dinc azərbaycanlılara qarşı törətdiyi soyqırımları və 20-ci əsrin sonlarında Ermənistanın işğal etdiyi torpaqlarımızda dinc insanlarımıza qarşı törətdiyi soyqırımları, vandalizm aktları bütün dünyaya daha geniş şəkildə təbliğ etmək işinə dəstək göstərməkdir.
Nəinki 20-ci əsrin əvvəllərində, həm də 20-ci əsrin sonlarında ermənilərin azərbaycanlılara qarşı söyqırım törədənlərin də ədalət və tarix qarşısında lazımi cavab vermədiklərini qeyd edən Q.Paşayeva bu söyqırımları xalqımızın unutmadığını, unutdurmayacağını deyib. Qənirə Paşayeva bildirib ki, harada doğulmasından və harada yaşamasından asılı olmayaraq hər bir azərbaycanlı 31 mart soyqırımı ilə bərabər, 20-ci əsrin sonunda Ermənistanın xalqımıza qarşı törətdiyi Xocalı Soyqırımının, Qarabağ həqiqətlərinin, Ermənistanın işğal etdiyi Azərbaycan torpaqlarında törətdiyi vandalizm aktlarının dünyaya çatdırılması, bu soyqırımı törədənlərin öz layiqli cəzasını alması üçün çalışmalıdır.
Bu məsələdə gənclərin üzərinə böyük vəzifə düşdüyünü qeyd edən millət vəkili gəncləri fəal olmağı, onları azərbaycanlıların soyqırımı barədə yalnız 31 mart tarixində deyil, hər zaman düşünməyi, tariximizə sahib çıxmağı tövsiyyə edib və Azərbaycan həqiqətlərinin daha geniş şəkildə yayılması məqsədilə sosial medianın təqdim etdiyi imkanlardan geniş istifadə etməyə, bu istiqamətdə səylərin artırılmasının, işinin sürətləndirilməsinin vacibliyini qeyd edib.
Daha sonra millət vəkili Qənirə Paşayevanın rəhbərlik etdiyi "Avrasiya Beynəlxalq Araşdırmalar İnstitutu" İB tərəfindən hazırlanan "Azərbaycan həqiqətləri" toplusuna daxil olan Soyqırımı:Bakı”, “Soyqırımı:Quba”, “Soyqırımı:Şamaxı” filmləri nümayiş olunub. Filmlərin nümayişindən sonra "Azərbaycan həqiqətləri" toplusunun nüsxələri millət vəkili Qənirə Paşayeva tərəfindən hərbi hissəyə hədiyyə edilib. Daha sonra millət vəkili Qənirə Paşayeva hərbi hissədə xidmət edən əsgər və hərbçilərlə görüşərək onlarla geniş söhbət edib.
Publika.Az
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO
-
Səhiyyə18 Aprel 22:36
Ürək ritminin pozulmasının YENİ TƏHLÜKƏSİ: Hər beşinci insan...
-
Region18 Aprel 21:48
Türkiyədəki dağıdıcı zəlzələnin görüntüsü yayıldı: yaralılar var - VİDEO