Qırmızı.az
Müdafiə Nazirliyi keçmiş döyüşçülərə cavab verdi - Bəyanat
Azərbaycanın Müdafiə Nazirliyinin mətbuat xidməti veteran təşkilatların Silahlı Qüvvələrə dəstək verməsi ilə bağlı bəyanat yayıb.
Nazirliyin mətbuat xidmətindən Publika.Az-a daxil olan bəyanatda qeyd olunur ki, son günlər keçmiş döyüşçülər, müxtəlif veteran təşkilatları Silahlı Qüvvələrimizə dəstək ifadə edərək torpaqlarımızın işğaldan azad edilməsi məqsədilə düşmənlə təmas xəttində yerləşən hərbi hissələrdə xidmət keçən şəxsi heyətə dayaq olacaqları ilə bağlı rəsmi və kütləvi informasiya vasitələrilə Müdafiə Nazirliyinə xeyli sayda müraciətlər ünvanlayıblar.
Daha sonra bəyanatda deyilir: “Bu proses əsasən cari ilin əvvəlindən düşmən tərəfindən atəşkəs rejiminin pozulması intensivliyinin artması nəticəsində müşahidə olunan gərginlikdən sonra daha da çoxalıb.
Bu məzmunlu müraciətlər bu gün də Müdafiə Nazirliyinə daxil olmaqdadır və onlar diqqətlə nəzərdən keçirilir.Onu da bildiririk ki, yaş həddi, sağlamlığı, hərbi hazırlığı və nizam-intizamı yüksək olan, ixtisaslı hərbi vəzifəlilər ehtiyac olduğu halda, qanunvericiliyin tələblərinə uyğun mütəmadi olaraq Silahlı Qüvvələr sıralarına çağırılır.
Müdafiə Nazirliyi hazırda müharibə veteranları təşkilatları ilə sıx əlaqələr quraraq görüşlər keçirir və birgə yerinə yetiriləcək tədbirləri planlaşdırır.Müharibə veteranlarının yenidən cəbhədə, düşmənlə üz-üzə xidmət etmək arzusu və çağırışları hazırda Silahlı Qüvvələrdə xidmət edən şəxsi heyət üçün mənəvi dayaq, orduda gələcəkdə xidmət edəcək gənclər üçün əvəzolunmaz nümunə və Vətən üçün böyük bir şərəfdir.
Keçmiş döyüşçülərin vətənpərvərlik çağırışları ilə zəngin müraciətləri şəxsi heyətin döyüş ruhunun, qələbə əzminin və mənəvi-psixoloji hazırlığının artırılmasına müsbət təsir göstərir, Müdafiə Nazirliyinin rəhbərliyi də bu təşəbbüsü yüksək qiymətləndirir və onların hər birinə minnətdarlığını bildirir”.
Vasif Həsənli
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK