Qırmızı.az
İordaniya rəsmiləri Bakıya səfər edəcək
İordaniyanın qadın məsələləri üzrə dövlət naziri Esma Xaber, İordaniya Parlamentinin sədri, ölkənin sabiq hökumət başçısı Abdulrauf əl-Ravabde, eləcə də senatın bir qrup üzvü aprelin 25-də Azərbaycana səfərə gəlir.
Səfərin məqsədi II Qlobal Müştərək Cəmiyyətlər Forumunda iştirak etməkdir.
Qeyd edək ki, Forumda ən geniş nümayəndə heyəti ilə İordaniya təmsil olunur. Nümayəndə heyətinin tərkibinə İordaniya şahzadəsi Əlahəzrət Şahzadə Hassan bin Talal, İordaniya Parlamentinin xarici əlaqələr komissiyasının rəhbəri Nazim Qaşou, İordaniya Baş nazirinin keçmiş müavini, hazırda İordaniya Senat Şurasının üzvü, İordaniya-Azərbaycan Dostluq Cəmiyyətinin sədri, Azərbaycanla dostluq üzrə parlament qrupunun üzvü Mərvan əl-Hmud, sabiq nazirlər, hazırda isə senatın üzvləri Mahmud Alsaqur, Cəfər Huneiti, Saleh Rusheydat və başqaları daxildir.
Diasporla İş üzrə Dövlət Komitəsinin dəstəyi, Nizami Gəncəvi Beynəlxalq Mərkəzi və Madrid Klubunun təşkilatçılığı ilə aprelin 27-30-da Bakıda keçiriləcək II Qlobal Müştərək Cəmiyyətlər Forumunda 45 sabiq dövlət və hökumət rəhbərinin iştirakı nəzərdə tutulub. Ümumilikdə isə Forumda 54 ölkədən 150-dən çox ictimai, siyasi xadimin, ekspert və elm adamının iştirakı gözlənilir.
2015-ci ildən sonrakı dövrdə Minilliyin İnkişafı layihəsinə həsr edilən Forumda BMT səviyyəsində təhsil, sosial müdafiə, cəmiyyətdə qadınların rolunun artırılması sahələrində qarşıda duran məsələlər müzakirə ediləcək, ölkələrin beynəlxalq hüquq çərçivəsində qəbul edilmiş ərazi bütövlüyünün təmin edilməsi məsələsi ətrafında da geniş fikir mübadiləsi aparılacaq.
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO