Qırmızı.az
Millət vəkili İraqın "Əl-Türkmania" televiziyasının rəhbəri ilə görüşdü
Azərbaycanda səfərdə olan İraqda yaşayan türkmən kökənli soydaşımız Əl-Türkmania TV-nin rəhbəri Nermin əl-Mufti millət vəkili, İraq-Azərbaycan Parlamentlərarası Dostluq Qrupunun üzvü Qənirə Paşayeva ilə görüşüb.
Qonağı Azərbaycanda salamlamaqdan məmnunluğunu ifadə edən millət vəkili Qənirə Paşayeva Azərbaycan ilə İraq arasında əlaqələrin və əməkdaşlığın getdikcə daha da genişlənməkdə olduğunu deyib. O, Azərbaycan xalqının İraqda yaşayan bacı-qardaşlarımızı hər zaman düşündüyünü və İraqdakı qardaş-bacılarımızla əməkdaşlığın inkişafında maraqlı olduğunu vurğulayıb.
Millət vəkili Qənirə Paşayeva görüşdə Ermənistanın işğal etdiyi Azərbaycan torpaqlarında törətdiyi vandalizm aktları, minlərlə azərbaycanlını qətlə yetirməsi, Xocalı, Qaradağlı, Bağanıs-Ayrım soyqırımları, BMT Təhlükəsizlik Şurasının 4 qətnaməsinin Ermənistandan işğal etdiyi Azərbaycan torpaqlarından çəkilməsini tələb edən qətnamələrinin yerinə yetirilməməsi barədə geniş məlumat verib. Millət vəkili Qənirə Paşayeva Azərbaycan həqiqətlərinin İraq ictimaiyyətinə, İraqda yaşayan soydaşlarımıza daha geniş şəkildə çatdırılmasında İraqda fəaliyyət göstərən televiziya kanalları ilə Azərbaycan telekanalları arasında əməkdaşlığın genişləndirilməsinin əhəmiyyətini vurğulayıb. Azərbaycana səfər etməkdən məmnunluq duyduğunu ifadə edən Əl-Türkmania TV-nin rəhbəri Nermin əl-Mufti rəhbərlik etdiyi telekanalın Azərbaycanda fəaliyyət göstərən televiziya kanalları ilə əməkdaşlıq etməkdə maraqlı olduqlarını, Azərbaycan haqqında, tarixi, mədəniyyəti, Dağlıq Qarabağ münaqişəsi həqiqətlərinin İraq ictimaiyyətinin diqqətinə daha geniş şəkildə çatdırmaq üçün Azərbaycan haqqında filmlərin, proqramların Əl-Türkmania TV-də yayımlanmasının vacibliyini qeyd edib. Millət vəkili Qənirə Paşayeva rəhbərlik etdiyi Avrasiya Beynəlxalq Araşdırmalar İnstitutu İB-nin istehsalı olan ermənilərin XX əsrin əvvəllərində və sonlarında azərbaycanlılara qarşı törətdikləri soyqırımları özündə əks etdirən “Soyqırım:Bakı”, “Soyqırım:Quba”, “Xocalı soyqırımı”, Ermənistan Silahlı Qüvvələrinin işğal etdiyi Şuşa şəhərində həyata keçirdikləri vandalizm aktlarını özündə əks etdirən “Şuşa: Dağıdılmış mədəniyyət beşiyi” və bir sıra digər filmlərinin cəmləşdiyi "Azərbaycan həqiqətləri" filmlər toplusunu Əl-Türkmania TV-nin rəhbəri Nermin əl-Muftiyə onların telekanalında nümayiş olunması üçün hədiyyə edib. Eyni zamanda millət vəkili Qənirə Paşayeva Əl-Türkmania TV-nin rəhbəri Nermin əl-Muftiyə Azərbaycan həqiqələri, mədəniyyəti barədə kitablar da təqdim edib və rəhbərlik etdiyi təşkilatın və Azərbaycan-İraq Parlamentlərarası Dostluq qrupunun əməkdaşlığın genişləndirilməsinə hər zaman dəstək göstərməyə hazır olduğunu deyib.
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO