• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Şahin Sultanov 24 min rüşvət almaqda ittiham olunur – ŞOK FAKTLAR

Şahin Sultanov 24 min rüşvət almaqda ittiham olunur – ŞOK FAKTLAR

Bu yaxınlarda həbs edilən Azərbaycan Müdafiə Nazirliyinin Hərbi Dəniz Qüvvələrinin (HDQ) sabiq komandanı, vitse-admiral Şahin Sultanovun konkret hansı məsələlərə görə ittiham olunması bəlli olub.

Mötəbər mənbədən Publika.az-a daxil olan məlumatda deyilir ki, Ş.Sultanov 24 min manat pul mənimsənilməsi və digər məsələlərdə ittiham olunur.

Mənbə bildirib ki, sabiq komandan Hərbi Dəniz Qüvvələrinin tikinti işlərinə rəhbərlik etmiş Elxan Hacıyev adlı şəxsin ifadəsilə istintaqa cəlb olunub. Belə ki, E.Hacıyev istintaqa ifadəsində Ş.Sultanova 2011-ci ildən etibarən 2013-cü ilədək 3 il müddətində hər il 8 min manat pul verdiyini deyib. Bu isə ümumilikdə 24 min manat vəsait olub. Onun iddiasına görə, ümumilikdə mənimsənilən 24 min manat pul Hərbi Dəniz Qüvvələrinə hər il ayrılan 50 min manat vəsaitdən oğurlanıb.

Şahin Sultanov isə ona qarşı olan bu ittihamları qəti şəkildə rədd edib. Hazırda bu istiqamətdə istintaq araşdırması davam etdirilir.

Mənbə həmçinin bildirib ki, Hərbi Dəniz Qüvvələrinə hər il büdcədən ayrılan 50 min manatın 26 iyun Silahlı Qüvvələr Günü ərəfəsində 10 gəminin rənglənməsi üçün boya alınmasına və digər bu kimi işlərə sərf olunması nəzərdə tutulubmuş.

Vasif Həsənli

Xəbər lenti

DAHA ÇOX XƏBƏR