Beynəlxaq təşkilatlarla bağlı məsələ müzakirə edilib

Milli Məclis “İnsan hüquqlarının və əsas azadlıqlarının müdafiəsi haqqında” Konvensiyaya dəyişikliklər edilməsi barədə 15 nömrəli Protokolun təsdiq edilməsi haqqında Azərbaycan Respublikası qanununun layihəsini müzakirə edib.

Publika.Az xəbər verir ki, bu haqda millət vəkillərinə İnsan hüquqları komitəsinin sədri Rəbiyyət Aslanova məlumat verib. Komitə sədri Rəbiyyət Aslanova deyib ki, 15 protokol deputatlara təqdim edilib: “Azərbaycan dövləti insan hüquqları sahəsəində beynəlxalq əməkdaşlığı davam etdirir. Azərbaycanda insan hüquq və azadlıqlarını əks etdirən konvensiyalar ratfikasiya edilib. Qanunvericilik yaradıcı prosesdir. Daha sonra komitə sədri layihənin müddəaları haqda danışarkən deyib ki, burada yerli məhkəmələrin məsuliyyəti dəfələrlə qeyd olunur. Bildirilir ki, məsuliyyət beynəlxalq təşkilatların üzərinə qoyula bilməz. Protokolda digər məsələ hakimlərinm Avropa Məhkəməsində iştirakı ilə bağlıdır. 15 Protokol kifayət qədər vacib sənəddir. Bu sənədin qəbulu göstərir ki, Azərbaycan dövləti bu sahədə irəliyə addım atır.

****

Azərbaycan Milli Məclisi ATƏT Minsk Qrupunun qurumun Parlament Assambleyasında hesabat verməsi təklifi ilə çıxış edib və bu məsələni qurumun Bakıda keçiriləcək sessiyasının gündəliyinə salınmasını tələb edib. Publika.az xəbər verir ki, bu təkliflə Milli Məclisin sədri Oqtay Əsədov çıxış edib. “Biz ATƏT PA-dakı nümayəndə heyətimizə tapşıraq ki, mütləq qurumun yayda Bakıda keçiriləcək sessiyasına, o da olmasa, növbəti sessiyalarından birinə Minsk Qrupunun hesabatının salınması məsələsini Azərbaycan adından qaldırsın. Artıq Minsk Qrupu öz fəaliyyəti barədə ATƏT PA-da hesabat versin” - deyə spiker bildirib. Təklif parlament tərəfindən dəstəklənib və qəbul olunub.

Asif