Qırmızı.az
Nizam-intizam, həm də yüksək nəticə deməkdir...
Müstəqilliyimizin ilk illərində əlində silah erməni millətçilərinə qarşı döyüşən, sıralarından onlarla şəhid verən Azərbaycan polisi bu gün sabitliyin, ictimai asayişin keşiyində ayıq-sayıq durub xalqa, dövlətə və dövlətçiliyə sadiq olduğunu dönə-dönə sübut etdi. Ən çətin zamanlarda belə sınaqlarla üzbəüz qalan həmkarlarımız öz peşə andına sədaqət nümayiş etdirərək çətinliklərə sinə gərib, hətta cinayətkar gülləsinə tuş olmaqdan belə qorxmadılar.
1994-cü ilin aprel müşavirəsindən sonra digər güc strukturlarında olduğu kimi polisdə də peşəkarlar irəli çəkildi, polislə cəmiyyət və vətəndaşlar arasında normal münasibətlər sistemi formalaşdırıldı, insan hüquq və azadlıqlarının müdafizəsində polis-vətəndaş həmrəyliyinə nail olundu.
Müstəqilliyimizin bərpasında, onun qorunmasında, cinayətkarlıqla mübarizədə DİN-in Cevik Polis Alayının rolu çox böyükdür. Elə bir mühüm əhəmiyyətli dövlət tədbiri olmaz ki, orada Alayın əməkdaşları öz vəzifələrini icra etməsinlər. Qanunsuz keçirilən küçə yürüşlərinin qarşısının alınmasında, hətta futbol oyunlarında təhlükəsizliyin təmin olunması digər strukturlar kimi onlara da həvalə edilmişdir.
Qısa zaman kəsiyində əhali arasında Alayın ictimai nüfuzunun
artması həm də polisə olan səmimiyyətin göstəricisidir. Onlar
kimliyindən asılı olmayaraq, hər bir vətəndaşın hər yerdə, hər
zaman köməyinə çatırmağa hazırdır. Bu təkcə xidməti vəzifəni yerinə
yetirmək deyil, həm də vətəndaş mövqeyidir.
Əldə olunan nailiyyətlərin əsasında nizam və intizam durur. Bu
fikri ÇPA-nın 8-ci patrul bölüyünün komandiri, polis mayoru Bakir
Mehrəliyev dedi.
Bildirdi ki, bölüyün şəxsi heyəti 2014-cü ilin birinci rübü ərzində üzərlərinə düşən vəzifələrin öhdəsindən layiqincə gəlməyə çalışıblar. Onlar tərəfindən bir çox cinayətlərin üstü açılmış, cinayətkarlar öz layiqli cəzalarını almışlar. Sevindirici hal odur ki, sıraları gündən-günə genişlənən bölüyün daha təcrübəli, təqaüd yaşına çatmış əməkdaşları yenə də gənclik illərində olduğu kimi daha əzmlə çalışır, xidmətə öz töhfələrini verir, zəngin təcrübələrini gənc həmkarları ilə bölüşürlər.
Məhz bunun nəticəsidir ki, rüb ərzində dövlətçiliyimizə, ictimai
sabitliyin pozulmasına səbəb olan, cinayət törətdiklərinə və
müəyyən hüquqpozmalara görə şəxsi heyət tərəfindən 764 nəfər, o
cümlədən cinayət törətdiklərinə görə 21, axtarışda olan 1, o
cümlədən soyğunçuluğa görə 2, oğurluğa görə 6, xuliqanlığa görə 7,
narkotik vasitələrin qanunsuz dövriyyəsinə görə 3, dələduzluq
etdiyinə görə 1, quldurluq etdiyinə görə 1 nəfər tutularaq
məsuliyyətə cəlb edilmişdir. Polisin qanuni tələbinə tabe olmayan 2
nəfər, pasport rejimini pozan 366 nəfər, şübhəli şəxs qismində 74
nəfər saxlanılaraq aidiyyatı polis bölmələrinə təhvil
verilmişdir.
Bölük komandiri tağımlar arasında sağlam rəqabətin olduğunu qeyd
edərək rüb ərzində II tağımın nailiyyətlərinin I tağıma nisbətən
çox olduğunu dedi. Belə ki, rüb ərzində I tağımın şəxsi heyəti
tərəfindən 363 nəfər, II tağımın şəxsi heyəti tərəfindən isə 401
nəfər saxlanılaraq müvafiq polis bölmələrinə təhvil verilmişdir.
Hər rübün sonunda aparılan təhlillər zamanı polis nəfərlərinin də
xidmət üzrə nəticələri analiz olunur və işinin öhdəsindən layiqli
şəkəildə gəlməyi bacaran əməkdaş Alay və bölük rəhbərliyi
tərəfindən mükafatlandırılır.
Hafiz Təmirov,
polis kapitanı
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?