Bazarda mənşəyi məlum olmayan qidalar aşkarlanıb
Bizi izləyin

Qırmızı.az

Bazarda mənşəyi məlum olmayan qidalar aşkarlanıb

Zaqatala bazarında mənşəyi məlum olmayan qidalar aşkarlanıb

Standartlaşdırma, Metrologiya və Patent üzrə Dövlət Komitəsi yanında Texniki Tənzimləmə və Standartlaşdırma üzrə Dövlət Nəzarəti Xidmətinin Şəki Ərazi İdarəsi tərəfindən Zaqatala şəhəri, Xətai küçəsi 5 ünvanında yerləşən “Zaqatala bazar-2” açıq tipli səhmdar cəmiyyətində dövlət nəzarəti tədbirləri həyata keçirilib. Bu barədə publika.az-a SMPDK-nin mətbuat xidmətindən məlumat verilib.

Araşdırmalar zamanı müəyyən olunub ki, bazarda mənşəyi bilinməyən, gigiyenik və uyğunluq sertifikatları olmayan məhsullar satılır. Həmçinin, bazarda istismar olunan ölçmə vasitələrinin müqayisəli dövlət yoxlamasından keçirilmədiyi, ət məhsullarının satışı üçün ayrılmış sektorun natəmiz saxlanıldığı aşkar edilib. Bundan başqa, kənd təsərrüfatı məhsullarının yerə düzülərək natəmiz şəraitdə, şirniyyat, ət və süd məhsullarının anti-sanitar vəziyyətdə və saxlanma rejiminə əməl olunmadan üstü açıq şəkildə satıldığı müşahidə edilib.

Aşkar olunmuş bu və digər nöqsanların aradan qaldırılması ilə bağlı bazar rəhbərliyinə iradnamə verilib, istifadə olunan ölçmə vasitələrinin istismarı və mənşəyi məlum olmayan məhsulların satışı qadağan edilmiş, inzibati xəta haqqında protokol tərtib edilib.

Oxumağa davam et
Reklam
Reklam

Gündəm