Qırmızı.az

Ermənistanın iddiasına İTV-dən açıqlama - Video

12 May 2014 12:47

“Ermənilərin yaydıqları informasiya həqiqəti qətiyyən əks etdirmir”.

Bu barədə açıqlama “Axar.az”a İTV-nin Mətbuat xidmətindən verilib.

Mətbuat xidməti Azərbaycanın 10 xalını Ermənistana verməklə bağlı yayılan məlumatın doğru olmadığı bildirib: “Bununla “Avroviziya”nın saytında da məlumat yerləşdirilib. Hər kəs oradan buna nəzər yetirə, əsl həqiqəti öyrənə bilər. Bu, ermənilərin növbəti təxribatıdır”.

Qeyd edək ki, bu gün erməni mətbuatı Azərbaycanın “Avroviziya” yarışmasında 10 xalını Ermənistana verməsi ilə bağlı informasiya yayıb. Mətbuat bununla bağlı İsveç jurnalisti Kris Bosvelə istinad edib. Xatırladaq ki, ermənilər Səbinə Babayevanın çaşdığını sübut kimi gətirmişdilər.

Səbinə Babayevanın “Avroviziya” müsabiqəsinin final mərhələsində Azərbaycanın səslərini elan edərkən çaşmasını əks etdirən kadrları təqdim edirik.