• USD 1,7001 0,00% EUR 2,0087 0,00%
    • GBP 2,2277 0,00% RUB 0,0296 0,00%

10 nəfəri ilan vurub

10 nəfəri ilan vurub

“Azərbaycanda son 20 gün ərzində 10 nəfər ilan sancması ilə Mərkəzə müraciət edib”.


Bunu AzNews.az-a açıqlamasında Kliniki Tibbi Mərkəzin (KTM) toksikologiya şöbəsinin müdiri Azər Maqsudov deyib. Onun sözlərinə görə, aprelin 20-dən bu günədək 10 nəfəri ilan, 5 nəfəri isə müxtəlif növ həşərat sancıb: “İlan sancmalarının 8-i Bakı və ətrafı kəndlərin payına düşür. Bunlar əsasən Xəzər, Qaradağ, Nizami rayonlarının ərazilərində baş verib. Digər iki ilan sancması isə 1-i Hacıqabul və 1-i Zərdab rayonlarında qeydə alınıb. İlan dişləməsindən zəhərlənən 3 nəfər xəstəxanada, qalan 7 nəfər isə ambulator müalicə olunur”.


A.Maqsudov bildirib ki, sözügedən günlər ərzində hörümçək növü olan qaraqurd 2, əqrəb dişləməsindən sonra isə 3 nəfər KTM-ə müraciət edib: “Bu hadisələrin hamısı Bakı ətrafı rayonlarda baş verib. Təkcə ötən gün ərzində qaraqurd sancması ilə 1 nəfər Mərdəkan qəsəbə sakini Kliniki Tibbi Mərkəzin toksikologiya şöbəsin yerləşdirilib”.

Загрузка...

Xəbər lenti

DAHA ÇOX XƏBƏR
/body>