Qırmızı.az
"İnfiniti" və 10 min təzminat: məhkəmə qərar verdi
Bakı sakininin “Nurgün Motors” MMC-yə qarşı məhkəmə iddiası təmin edilib. Vətəndaşın hüquqi nümayəndəsi Sima Yaqubovanın "qafqazinfo"yaerdiyi məlumata görə, Sabunçu rayon Məhkəməsində baxılan iddia istehlakçı hüquqlarının bərpası və vurulmuş zərərin ödənilməsi ilə bağlı olub.
Sabunçu rayon Məhkəməsinin qərarına əsasən, qüsurlu avtomobil eyni
göstəricili yeni avtomobillə dəyişdirilməli, bu mümkün olmadıqda
ödənilmiş 88 min manat geri qaytarılmalıdır. Bu iki halın hansının
baş verəcəyindən asılı olmayaraq məhkəmə “Nurgün Motors” MMC-nin
üzərinə əlavə olaraq vətəndaşa 10 min manat mənəvi zərərin
ödənilməsi barərə qərar çıxarıb.
Qeyd edək ki, bu iş üzrə vətəndaş 8 iyun 2013-cü il tarixdə “Nurgün
Motors” MMC-nin Bakı şəhəri, Babək prospektiti-31 ünvanda yerləşən
mağazasından 88 min manata qara rəngli “İnfiniti QX 56” markalı
avtomobil alıb. Vəkil Sima Yaqubovanın sözlərinə görə, avtomobilə 3
il müddətində və ya 100000 km qarantiya verilib: “Avtomobil
satıldığı vaxtdan bir ay istifadə edildikdən sonra onun sürət
qutusunda problem olduğu müştərim tərəfindən aşkarlanıb. Belə ki,
hər dəfə 3-cü sürət həddindən 4-cü sürət həddinə keçmə anında,
sürət həddi keçməyib. Elə həmin vaxt, yəni 2013-cü ilin təxminən
avqust ayının əvvəllərində (təxminən alındığı vaxtdan bir ay yarım
sonra) sürət qutusunda problem müşahidə edildiyi vaxt avtomobil
cavabdehin Servis Mərkəzinə gətirilərək onlara təhvil verilib.
Həmin ərəfələrdə “Nurgün Motors” MMC-nin Servis Xidməti və şirkətin
rəhbər işçiləri tərəfindən şifahi olaraq iddiaçıya maraqlı məlumat
verilib. Onların dediyinə görə, Yaponiyada yerləşən “İnfiniti”
şirkəti ilə yazışmalardan sonra məlum olub ki, sürət qutusundakı
problemin əsası proqram təminatının istehsal zamanı düzgün
yazılmamasıdır. Avtomobil avqust ayında cavabdeh şirkətə təhvil
verildikdən sonra, 2013-cü ilin avqust ayından noyabr ayına qədər
onların Servis Xidmətində saxlanılıb. Həmin vaxt isə iddiaçının
nəqliyyat xərclərinin qarşılanması üçün şirkət tərəfindən
müvvəqqəti olaraq idarə edilmək üçün iddiaçıya köhnə “Nissan”
markalı avtomobil ayrılıb. Daha sonra isə 2013-cü il noyabrın 11-də
“Nurgün Motors” MMC tərəfindən avtomobil alıcıya təhvil verilərək,
proqram təminatındakı problemin həll olunduğu, bir daha eyni
problemin təkrarlandığı halında, avtomobilin eyni göstəricili
avtomobillə dəyişdiriləcəyi bildirilib. Avtomobilin sürət
qutusundakı eyni problem 2014-cü ilin yanvar ayının əvvəlində yenə
aşkarlanıb. Bu səbəblə də avtomobil 7 yanvar 2014-cü ildə cavabdeh
şirkətə təhvil verilib. Hal-hazırda da avtomobil həmin şirkətin
Servis Xidmətində qalmaqdadır. Göründüyü kimi, avtomobilin sürət
qutusu istehsal olunduğu vaxtdan qüsurludur. Lakin bu günə qədər
də, “Nurgün Motors” MMC tərəfindən satılmış istehsal qüsurlu olan
avtomobilə görə ödənilmiş 88000 manat iddiaçıya geri qaytarmayıb,
nə də ki, eyni göstəricili başqa bir avtomobillə təmin olunub”.
İddiaçı məhkəmədən qüsurlu avtomobil üçün ödədiyi 88 min manat
vəsaitin geri qaytarılmasını, yaxud aldığı avtomobillə eyni
göstəricili yeni qüsursuz avtomobilli verilməsini, bununla yanaşı
mənəvi zərərin əvəzi olaraq 80 min manat tələb edirdi.
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK