• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Məleykə Abbaszadə xəbərdarlıq etdi: "2 gün vaxt qalır"

Məleykə Abbaszadə xəbərdarlıq etdi: "2 gün vaxt qalır"

Tələbə Qəbulu üzrə Dövlət Komissiyasının sədri Məleykə Abbaszadə mayın 25-i ali təhsil müəssisələrinin magistratura pilləsinə imtahan verəcək bakalavrlara xəbərdarlıq edib.

Publika.az-ın məlumatına görə, M.Abbaszadə bildirib ki, bakalavrlardan 651 nəfəri imtahana buraxılış vərəqəsini hələ əldə etməyib:

“İki gün vaxt var. Qorxuram ki, buraxılış vərəqəsini əldə etməmək imtahan günü bakalavrlara hansısa problem yaradar. Belə hal onlara imtahanı yaxşı verməyə kömək etməyəcək. Ona görə də indidən xəbərdarlıq edirəm”.

Bu gün keçirilən mətbuat konfransında komissiya sədri onu da vurğulayıb ki, bu imtahanlarda təkcə test sualları yox, bəzi proqramlarda yazı işləri də olacaq:

“Yazı işlərinin yoxlanması iki gün vaxt aparacaq. Bu müddət ərzində nəticələr elan olunduqdan sonra bakalavrlar öz ixtisasını seçəcək. Onlar hazırda proqram seçib və bu proqramların tərkibində müxtəlif ixtisaslar var. Bakalavrlar onlardan birini seçməlidir. Onları müvafiq ali məktəblərdə yerləşdirmək üçün ərizələrində ixtisas seçimini qeyd etməlidirlər”.

Gülxar

Xəbər lenti

DAHA ÇOX XƏBƏR