Qırmızı.az
Prezident İlham Əliyev bir sıra görüşlər keçirib - YENİLƏNİB
15:11
Azərbaycan Respublikasının Prezidenti
İlham Əliyev mayın
26-da Türkiyə Respublikasının daxili işlər naziri
Efkan Alanı qəbul
etmişdir.
AzərTAc
xəbər verir ki, Efkan Alanı Türkiyə
Respublikasının daxili işlər naziri təyin olunması münasibətilə
təbrik edən dövlətimizin başçısı ölkələrimizin Daxili İşlər
nazirlikləri arasında mövcud sıx əməkdaşlığın bundan sonra da
genişləndiriləcəyinə ümidvar olduğunu bildirdi. Ölkələrimizin
dövlət və hökumət başçılarının, nazirlərin ilk xarici səfərinin
qardaş ölkələrə etməsinin artıq bir ənənə halı aldığını vurğulayan
Prezident İlham Əliyev Efkan Alanın Türkiyə Respublikasının daxili
işlər naziri kimi Azərbaycana ilk səfərinin önəmini qeyd etdi və
səfərin əməkdaşlığımızın inkişafı ilə bağlı səmərəli müzakirələr
aparılması üçün yaxşı fürsət yaratdığını dedi.
Efkan Ala nazir kimi ilk xarici səfərini
Azərbaycana etməsindən məmnunluğunu diqqətə çatdırdı. Türkiyənin
daxili işlər naziri Soma kömür mədənində kütləvi insan tələfatı ilə
nəticələnən faciə ilə əlaqədar Azərbaycan xalqının, şəxsən
Prezident İlham Əliyevin Türkiyə xalqının dərdinə şərik çıxmasına
görə minnətdarlığını bildirdi.
---------
13:57
Azərbaycan Respublikasının Prezidenti
İlham Əliyev mayın
26-da Türkmənistanın xarici işlər naziri Rəşid Meredovu qəbul
etmişdir.
AzərTAc
xəbər verir ki, dövlətimizin başçısı Azərbaycan
ilə Türkmənistan arasında əlaqələrin qədim tarixi köklərə malik
olduğunu və bu gün müstəqil dövlətlər kimi ikitərəfli
münasibətlərimizin fəal şəkildə inkişaf etdiyini vurğuladı.
Prezident İlham Əliyev ölkələrimiz arasında əlaqələrin
genişləndirilməsində müxtəlif səviyyəli qarşılıqlı səfərlərin
önəmini qeyd etdi. İkitərəfli əlaqələrin gələcək illərdə də inkişaf
etdiriləcəyinə və möhkəmləndiriləcəyinə əminliyini ifadə edən
dövlətimizin başçısı bunun üçün qarşılıqlı marağın olduğunu
dedi.
Münasibətlərimizin hazırkı səviyyəsinin razılıq
doğurduğunu bildirən Prezident İlham Əliyev ölkələrimizin
qarşılıqlı fəaliyyətinin regional əməkdaşlığın genişlənməsi
baxımından da mühüm əhəmiyyət daşıdığını qeyd
etdi.
Xarici işlər nazirlərinin yeni formatda
keçiriləcək ilk görüşünün önəmini vurğulayan dövlətimizin başçısı
görüşdə səmərəli müzakirələrin aparılacağına və yaxşı nəticələr
əldə ediləcəyinə ümidvar olduğunu bildirdi. Prezident İlham Əliyev
üçtərəfli formatda keçirilən bu cür tədbirlərin regional
əməkdaşlıqla yanaşı, ikitərəfli əlaqələrin bütün sahələrdə inkişaf
etdirilməsi işinə öz töhfəsini verəcəyinə əminliyini
vurğuladı.
Xarici işlər naziri Rəşid Meredov Türkmənistan
Prezidenti Qurbanqulu Berdiməhəmmədovun salamlarını və ən xoş
arzularını dövlətimizin başçısına çatdırdı. Rəşid Meredov ölkəsinin
Prezidentinin Azərbaycan ilə əlaqələrin iqtisadi, enerji, mədəni,
humanitar və digər sahələrdə genişləndirilməsinə böyük önəm
verdiyini dedi.
Azərbaycana səfərinin Respublika Günü ərəfəsinə
təsadüf etdiyini vurğulayan nazir Türkmənistan Prezidenti
Qurbanqulu Berdiməhəmmədovun bu əlamətdar bayram münasibətilə ən
səmimi təbriklərinin, ölkəmizin və Azərbaycan xalqının həyatında
mühüm rol oynayan bu böyük gün ilə əlaqədar ən xoş arzularının
ifadə olunduğu məktubu Prezident İlham Əliyevə təqdim
etdi.
Dövlətimizin başçısı Prezident Qurbanqulu
Berdiməhəmmədovun təbrikinə və salamlarına görə minnətdarlığını
bildirdi, onun da salamlarını Türkmənistan dövlətinin başçısına
çatdırmağı xahiş etdi.
Prezident İlham Əliyev ölkəmizdə səfədə olan Türkiyənin
xarici işlər naziri Əhməd Davudoğlu ilə görüşüb
Görüşdə İlham Əliyev və Əhməd Davudoğlu Azərbaycan-Türkiyə
əlaqələri, regional problemlər və Ukraynadakı böhranı müzakirə
ediblər.
Görüş zamanı Azərbaycanın türk coğrafiyasının mərkəzi olduğunu
deyən Davudoğlu, Türkiyə, Azərbaycan və Türkmənistan arasında baş
tutacaq iclasın ilk dəfə keçirildiyini və üçtərəfli zirvə görüşünün
gələcəkdə genişləndirilərək davam etdiriləcəyini qeyd edib.
İlham Əliyev isə Türkiyə və Azərbaycan arasındakı münasibətlərin
daha da inkişaf etdirilməsi üçün iki ölkə arasındakı
məsləhətləşmələrin daha sıx xarakter daşımasının vacibliyini
vurğulayıb.
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK