Baş Prokurorluq işə qəbul üzrə müsabiqə keçirir

Yazılı imtahana buraxılmış namizədlər 2-3 iyun 2014-cü il tarixlərdə saat 10:00-dan 18:00-dək şəxsiyyət vəsiqəsini təqdim etməklə "Yazılı imtahana buraxılış vərəqəsi"ni və "Yaddaş kitabçası"nı Baş Prokurorluğun əsas inzibati binasının qəbul otağından (ünv

Prokurorluq orqanlarında işləmək istəyənlər üçün müsabiqənin növbəti mərhələsinin vaxtı açıqlanıb.

Baş Prokurorluğun mətbuat xidmətindən Publika.az-a verilən məlumata görə, prokurorluq orqanlarının kadr korpusunun daha da möhkəmləndirilməsini və işə qəbulun aşkarlıq şəraitində demokratik və şəffaf prosedurlar əsasında beynəlxalq tələblər səviyyəsində aparılmasını təmin edən Azərbaycan Respublikası Prezidentinin 19 iyun 2001-ci il tarixli Fərmanı ilə təsdiq edilmiş "Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə"yə uyğun olaraq, Baş Prokurorluq tərəfindən elan edilmiş müsabiqənin növbəti - yazılı imtahan mərhələsi 5 iyun 2014-cü il tarixdə saat 10:00-dan başlayaraq 4 saat ərzində Azərbaycan Texniki Universitetinin "İdman Sarayı"nda (ünvan: Bakı şəhəri, A.Sultanova küçəsi, 5) keçiriləcək.

Namizədlər yalnız "Yazılı imtahana buraxılış vərəqəsi"ni və şəxsiyyət vəsiqəsini təqdim etməklə imtahanda iştirak edə bilərlər.

Yazılı imtahana buraxılmış namizədlər 2-3 iyun 2014-cü il tarixlərdə saat 10:00-dan 18:00-dək şəxsiyyət vəsiqəsini təqdim etməklə "Yazılı imtahana buraxılış vərəqəsi"ni və "Yaddaş kitabçası"nı Baş Prokurorluğun əsas inzibati binasının qəbul otağından (ünvan: Bakı şəhəri, N.Rəfibəyli küçəsi, 7) ala bilərlər. İmtahanın keçirilməsi qaydalarına dair məlumat "Yaddaş kitabçası"nda əks etdirilir.

İmtahanla bağlı ətraflı məlumat almaq üçün 437-28-56, 492-62-23, 492-63-62 və 492-74-32 nömrəli telefonlar vasitəsilə müraciət etmək olar.