İmtahanın nəticələri açıqlandı (YENİLƏNİB)
Bizi izləyin

Qırmızı.az

İmtahanın nəticələri açıqlandı (YENİLƏNİB)

Tələbə Qəbulu üzrə Dövlət Komissiyası (TQDK) tərəfindən 2014/2015-ci tədris ili üçün Azərbaycan Respublikası ali təhsil müəssisələrinin magistraturalarına mayın 25-də keçirilmiş qəbul imtahanlarının ikinci mərhələsinin nəticələri açıqlanıb.

Komisisyadan publika.az-a verilən məlumata görə, bakalavrlar ikinci mərhələdə onlara təqdim olunmuş test tapşırıqlarının (bəzi proqramlar üzrə isə yazılı imtahanın) nəticələri ilə bağlı məlumatı Komissiyanın rəsmi internet saytı vasitəsilə və ya mobil telefondan iş nömrəsini 7727 nömrəsinə SMS göndərməklə öyrənə bilərlər.

2014-cü ildə magistratura səviyyəsinə qəbul 59 proqram üzrə aparılır və 6565 plan yeri ayrılıb. İmtahanda iştirak etmək hüququ olan 10160 bakalavrdan 350 nəfəri imtahana gəlməyib.

İmtahan qaydalarını pozduğu üçün 1 nəfər imtahandan xaric olunub və nəticələri ləğv edilib. İmtahanda iştirak edən 9809 bakalavrdan 7504 nəfəri müsabiqə şərtini ödəyərək ixtisas seçiminə buraxılıb. İki mərhələdə keçirilən imtahanın nəticələrinə əsasən maksimum nəticə 141 bal olub. Müsabiqə şərtlərini ödəyən bakalavrlar mayın 29-dan iyunun 1-dək internet vasitəsi ilə ixtisaslaşma seçimini yerinə yetirməlidirlər. Müsabiqəyə yalnız ixtisaslaşma seçimini edib təsdiqləyən bakalavrlar buraxılacaqlar. Magistraturaya qəbul imtahanının ikinci mərhələsinin nəticələri ilə əlaqədar bakalavrların müraciətlərinə baxılması üçün TQDK-da mayın 29-da və 30-da Apelyasiya komissiyası fəaliyyət göstərəcəkdir. Bakalavrlar Apelyasiya komissiyasına şəxsiyyət vəsiqələrini təqdim etməklə şəxsən müraciət edə bilərlər.

13:28

Tələbə Qəbulu üzrə Dövlət Komissiyası (TQDK) mayın 25-də ali təhsil müəssisələrinin magistraturalarına qəbul imtahanının ikinci mərhələsininin nəticələrini yaxın saatlarda açıqlayacaq.

TQDK-nın mətbuat xidmətindən publika.az-a verilən məlumata görə, magistraturaya qəbul imtahanının ikinci mərhələsinin nəticələri yaxın saatlarda elan olunacaq və nəticələrin elan olunmasına dair ilkin məlumatlar TQDK-nın səhifəsində yerləşdiriləcək.


Qeyd edək ki, mayın 25-də TQDK Bakı, Gəncə və Naxçıvan şəhərlərində 2014/2015-ci tədris ili üçün Azərbaycan Respublikası ali təhsil müəssisələrinin magistraturalarına qəbul imtahanının ikinci mərhələsini keçirib.

Qəbul imtahanının ikinci mərhələsinin nəticələri elan olunduqdan sonra bakalavrlar 2014-cü il mayın 29-dan iyunun 1-dək ali təhsil müəssisələrinin magistraturalarına qəbul aparılan ixtisaslaşmaların müsabiqəsində iştirak etmək üçün internet vasitəsi ilə ixtisaslaşma seçimini yerinə yetirəcəklər.

Gülxar

Oxumağa davam et
Reklam
Reklam

Gündəm