Qırmızı.az
"Barələrində qanuni hökm olmayan adamlara əfv tətbiq edilmir"
Ekspertlərin fikrincə, bəzi hüquq müdafiəçiləri hüququ kifayət qədər bilmədiklərindən haqsız danışırlar
Prezident İlham Əliyevin mayın 26-da imzaladığı
əfv sərəncamı 171 nəfərə şamil olunub. Ölkə başçısı tərəfindən
atılan humanist addımı çoxları təqdir etsə də, özlərini hüquq
müdafiəçisi, siyasətçi adlandıran bir qrup insan hər zaman olduğu
kimi bu dəfə də öz narazılıqlarını büruzə veriblər. Həmin şəxslər
İlqar Məmmədov, Tofiq Yaqublu, Yadigar Sadıqov, “NİDA” Vətəndaş
Hərəkatı üzvlərinin, Anar Məmmədli, Bəşir Süleymanlı və Rauf
Mirqədirovun adlarının da bu siyahıya düşməməsini ayrı-seçkilik
kimi qələmə verməyə, sərəncamın əhəmiyyətini kiçiltməyə cəhd
ediblər. Lakin onlara ən tutarlı cavabı öz işlərində olan
Respublikaçı Alternativ (REAL) Hərəkatı İdarə Heyətinin üzvü,
hüquqşünas Erkin Qədirli “Facebook” profilində yazdığı statusla
verib. O, barələrində qanuni qüvvəyə minmiş hökm olmayan adamlara
əfv tətbiq olunmadığını diqqətə çatdırıb. Qeyd edib ki, buna görə
də adları çəkilən insanlarla bağlı əfv fərmanı texniki baxımdan
mümkün deyil: “Əfv fərmanıyla bağlı çox adamın üzüldüyünü gördüm
(oxudum). Nəyi gözləyirdiniz ki? Bilirəm, ölkəmizdə hüquqşünas
peşəsi çox dəyərdən düşüb, amma söylədiklərimiz bəsit həqiqətdir
axı. Barələrində qanuni qüvvəyə minmiş hökm olmayan adamlara əfv
tətbiq olunmur. Buna görə də İlqar Məmmədov, Tofiq Yaqublu, Yadigar
Sadıqov, NİDA-çılar, Anar Məmmədli, Bəşir Süleymanlı, Rauf
Mirqədirovla bağlı əfv fərmanı texniki baxımdan mümkün deyildi.
Hüquqşünaslar (mən daxil) bunu dəfələrlə deyiblər. Amnistiya
söhbəti olsaydı, onda başqa məsələ. Amnistiyanı parlament verir və
onu şəxslərə deyil, əməllərə (maddələrə) aid
edir”.
Millət vəkili, hüquq müdafiəçisi
Çingiz Qənizadə isə
dövlət başçısının əfvlə bağlı sərəncamını müsbət qarşılayaraq, bir
hüquq müdafiəçisi kimi Prezidentə minnətdarlığını çatdırıb. Deyib
ki, Prezident İlham Əliyev 28 May öncəsi, Azərbaycan Demokratik
Cümhuriyyətinin yaranmasının il dönümü ərəfəsində imzaladığı
sərəncamla sadəcə 171 məhbusu deyil, minlərlə insanı, həmin
məhbusların ailə üzvlərini, qohum-əqrəbalarını sevindirib.
Ç.Qənizadə bəzi siyasi məhbusların adlarının əfv siyahısında
olmamasına da aydınlıq gətirib: “Təəssüf edirəm ki, bəzi
həmkarlarım tərəfindən belə bir fikir səslənir ki, niyə siyasi
məhbus siyahısında olan bəzi şəxslərin adları bura salınmadı?
Əvvəla qeyd edim ki, beş nəfərin adı o mübahisəli siyahılardan
salınıb. Amma biz hüquq müdafiəçisi olarkən, öhdəlik götürməmişik
ki, sırf siyasi fəaliyyətlə məşğul olan şəxslərin hüquq və
azadlıqları ilə məşğul olaq. Bizim üçün Azərbaycanın hər bir
vətəndaşı bərabər hüquqludur və hər bir kəs bizim üçün eynidir.
Təəssüf ki, bəzi həmkarlarım tərəfindən bu əfv sərəncam, bu
humanist addım kifayət qədər dəyərləndirilmir. Həmkarlarım ola
bilər ki, qanunu və hüququ kifayət qədər bilmədikləri üçün bəzən
konkret adamların azadlıqda olmasını arzulayırlar. Axı, əfv
sərəncamı barəsində hökmlər qanuni qüvvəyə minmiş şəxslərə şamil
olunur. Bu gün siyahılarda olan və müzakirə predmeti olan onlarla
insan var ki, onların hələ də Apelyasiya Məhkəməsinə müraciət
edilib və biz məhkəmənin qərarını gözəməliyik. Bəlkə bəzilərinə
bəraət veriləcək, bəlkə bəziləri həbsdən azad olunub, daha yüngül
cəzalarla cəzalandırılacaq. O baxımdan tələm-tələsik, qanunu
bilmədən müəyyən adamların adı siyahıda deyil, deyə, bu cür akta
şübhə ilə yanaşmaq doğru deyil”.
İşgəncələrə Qarşı Azərbaycan Komitəsinin
sədri Elçin Behbudov
əfv sərəncamının birbaşa Prezidentin səlahiyyətinə
aid olduğunu, amnistiya aktını isə Milli Məclisin qəbul etdiyini
vurğulayıb. O təəssüflə qeyd edib ki, bəzi insanların nəinki
bunlardan, heç əfv haqqında əsasnamədən də xəbərləri yoxdur. Hüquq
müdafiəçisinin sözlərinə görə, sözügedən əsasnamədə açıq-aydın
şəkildə göstərilir ki, məhkum cəzanın yarısını çəkəndən, törətdiyi
cinayəti etiraf edəndən sonra Prezidentə əfv üçün müraciət edə
bilər: “Yalnız bu halda əfv komissiyası həmin şəxsin ərizəsinə baxa
bilir. Yəni, əgər məhkəmənin qüvvəyə minmiş hökmü varsa, işlətdiyi
cinayətə görə konkret şəxsə 10 il cəza verilibsə və o, cəzasının ən
azı 5 ilini çəkibsə, əfv ərizəsi ilə prezidentə müraciət edə bilər.
Ərizədə isə məhkum yazmalıdır ki, törətdiyi əməldən peşmandır.
Bəzən bunları bilə-bilə də yanlış təsəvvür formalaşdırmaq
istəyənlər tapılır. Bir hüquq müdafiəçisi kimi mən də
“NİDA”çıların, həmçinin adları mətbuatda hallandırılan digər
şəxslərin də tezliklə azad olunmasını istəyirəm. İstərdim ki,
onların hamısının adı əfvə düşsün. Amma bəzi proseslər var ki,
onlara riayət edilməlidir. Qanundan kənara çıxmaq
olmaz”.
İnsan Hüquqları XXI əsr - Azərbaycan Fondunun
sədri Şahin Camalovistənilən halda əfvi humanist addım kimi qələmə verib. Deyib
ki, ora kimlərin siyahısına uyğun olaraq kimlərin adlarının
düşüb-düşməməsindən asılı olmayaraq, cəmiyyət tərəfindən də bu,
müsbət qarşılanır. Ş.Camalovun fikrincə, imzalanan hər əfv sərəncam
və fərmanı, eləcə də qəbul edilən amnistiya aktı ilə konkret
siyahıda adları olan şəxslər deyil, bütünlükdə onların hər bir ailə
üzvü sevinc hissi yaşayır: “Bu gün isti kabinetində oturan və
müxtəlif bəyanatlarla gündəmə gələn bəzi şəxslərin cəzaçəkmə
müəssisələrindən, orada cəza çəkən insanların durumundan xəbərləri
yoxdur. Bilmirlər ki, hansısa cinayətə görə həbs olunmuş insan
nələri yaşayır, hansı mənəvi əzabları çəkir. Məhkum olmaq hansısa
şəxs üçün, onun ailəsi üçün psixoloji baxımdan da çətindir. Bax
belə bir vəziyyətdə cəza çəkən şəxslərin əfv olunması əlbəttə ki,
hamı üçün sevindiricidir. O ki, konkret adları hallandırılan bəzi
şəxslərin adlarının əfvə salınmamasına, peşəkarlar çox gözəl bilir
ki, barələrində qanuni qüvvəyə minmiş məhkəmə qərarı olmayan
adamlara əfv tətbiq edilmir. Əfvlə bağlı müraciət edənlərin
ərizələri isə Əfv Komissiyası tərəfindən ətraflı araşdırılır. Bu,
olduqca böyük, lakin şəffaf aparılan bir prosesdir. Bəzən bir
insanın sənədləri üzərində günlərlə iş gedir. Bundan sonra əfv
olunması məqbul sayılan adamların siyahısı Prezidentə təqdim
edilir. Bundan sonra kimlərinsə əfv olunub-olunmaması birbaşa
dövlət başçısının səlahiyyətindədir. Ümid edək ki, gələcəkdə
imzalanan əfv sərəncamlarla adları mətbuatda hallandırılan şəxslər
də azadlığa qovuşacaqlar”.
Kaspi.az
-
Magazin112:31
Hüseyn Həsənov Rəşad Dağlının oğluna görün nə hədiyyə etdi - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın