Magistraturaya ixtisas seçimi başladı
Bizi izləyin

Qırmızı.az

Magistraturaya ixtisas seçimi başladı

Ali təhsil müəssisələrinin magistratura səviyyəsinə ixtisaslaşma seçimi başlanıb.

Tələbə Qəbulu üzrə Dövlət Komissiyasından Publika.az-a verilən məlumata görə, bu gündən iyunun 1-dək ali təhsil müəssisələrinin magistratura səviyyəsinə internet vasitəsilə ixtisaslaşma seçimi aparılır. İxtisaslaşma seçimində 2014-cü ildə magistraturaya keçirilən qəbul imtahanının iki mərhələsinin nəticələrinə əsasən müsabiqə şərtlərini ödəyən bakalavrlar iştirak edə bilərlər.


Bakalavrlar “Bakalavrın elektron ərizəsi”ndə imtahan verdiyi qəbul proqramına aid dövlət sifarişi əsasında və ödənişli əsaslarla olan 20-yə qədər ixtisaslaşma kodunu göstərə bilərlər. Eyni ixtisaslaşma kodu iki dəfə daxil edilə bilər. Lakin bu halda kodların qarşısındakı qeydlər (dövlət sifarişi əsasında və ya ödənişli əsaslarla) mütləq fərqli olmalıdır. İxtisaslaşma kodlarının sayını və ardıcıllığını bakalavr özü müəyyənləşdirir. Seçilmiş ixtisaslaşma kodlarının ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr müsabiqədən keçdiyi ixtisaslaşmaların birincisinə yerləşdirilir.

Seçilmiş ixtisaslaşmalar aşağıdakı tələbləri ödəməlidir:


– bakalavrın seçdiyi magistr ixtisaslaşmaları onun imtahan verdiyi qəbul proqramına aid və bitirdiyi bakalavr ixtisasına müvafiq olmalıdır (bax: “Magistr” jurnalı, №3, 2014-cü il);

– ixtisaslaşma kodları elan olunmuş ixtisaslaşmalar siyahısından seçilməlidir (bax: “Magistr” jurnalı, №4, 2014-cü il);

– Azərbaycan bölməsinin bakalavrları Azərbaycan, rus bölməsinin bakalavrları isə rus bölməsinə aid olan ixtisaslaşmaların kodlarını seçməlidirlər.


Müsabiqəyə yalnız müəyyən edilmiş müddət ərzində “Bakalavrın elektron ərizəsi”ndə ixtisaslaşmaları seçmiş və təsdiq etmiş bakalavrlar buraxılacaqlar.

Oxumağa davam et
Reklam
Reklam

Gündəm