İntiqam Əliyev DİN-ə qalib gəldi
Bizi izləyin

Qırmızı.az

İntiqam Əliyev DİN-ə qalib gəldi

Atatürk Hava Limanında mübahisə etdiyi polisə “oğlan” dediyi üçün saxlanılan vəkil İntiqam Əliyev hüquqi mübarizədə qalib gəlib. Belə ki, Türkiyə Daxili İşlər nazirliyi 2 min 829 manat mənəvi və 226 manat da maddi təzminata məhkum edilib.

Publika.az xəbər verir ki, bu barədə Türkiyənin radikal.com.tr saytı xəbər verib. Saytda bu barədə belə yazılıb: “Azəri insan hüquqları müdafiəçisi vəkil İntiqam Əliyevlə Atatürk Hava Limanında sənədlərin yoxlanılması zamanı bir polis məmuru arasında bəsit mübahisə baş vermişdi. Mübahisəyə səbəb isə İntiqam bəyin polisə “oğlan” deməsi olub. Sonradan Əliyevin “oğlan”ın azəricə “adam” mənasını verdiyini deməsi də polislə arasında mübahisəni sakitləşdirməyib”.

Məhkəmə Türkiyə Daxili İşlər Nazirliyinin haqsız yerə tutulan, kamerasız bir otaqda 3 dəqiqə 38 saniyə döyülən, deportasiya edilərək 1 il Türkiyəyə girişi yasaq edilən Əliyevə 7 min 500 lirə (2 min 829 manat – red) və 600 lirə (226 manat – red) maddi təzminat ödəməsinə qərar verib.

Xatırladaq ki, hüquq müdafiəçisi, Hüquq Maarifçiliyi Cəmiyyətinin sədri İntiqam Əliyev 2011-ci il 7 dekabr tarixdə İstanbul Hava Limanında polislər tərəfindən hücuma məruz qalmışdı. Bundan sonra vəkil Əliyev Türkiyə Daxili İşlər Nazirliyindən İstanbul Məhkəməsinə şikayət etmişdi.

Vüsal Tağı

Oxumağa davam et
Reklam
Reklam

Gündəm