Tərtərdə seldən zərər çəkənlərə kompensasiya veriləcək
Bizi izləyin

Qırmızı.az

Tərtərdə seldən zərər çəkənlərə kompensasiya veriləcək

“Evlərinə ciddi zərər dəyən vətəndaşlar müraciət edərlərsə, kompensasiya ödəniləcək”.

Bunu Publika.az-a Tərtər rayon İcra Hakimiyyəti başçısının köməkçisi, növbətçi rəisi İlham Ağayev deyib.

İlham Ağayev bildirib ki, selin yaratdığı fəsadlar ciddi olduğundan hələ də bərpa istiqamətində müvafiq işlər aparılır:

“Güclü külək evlərin damını dağıdıb. Kommunikasiya xətləri sıradan çıxıb. Hazırda əməkdaşlar iş başındadırlar. Müvafiq işlər görülür. Xəsarət alan da olmayıb. Mal-qaraya da zərər dəyməyib. Ciddi ziyan ancaq əkin sahələrinə, taxıl zəmilərinə, təsərrüfat sahələrinə dəyib. Evlərinə və mülklərinə ciddi ziyan dəymiş vətəndaşlar da aidiyyəti üzrə müvafiq qaydada müraciət etsələr, kompensasiya ödəniləcək. Hər halda, faktla bağlı araşdırmalar bitməyib".

O, dəyən zərərin məbləği və zərərçəkənlərə ödəniləcək kompensasiyaların məbləğinin hələlik müəyyən edilmədiyini bildirib.

Səid

Oxumağa davam et
Reklam
Reklam

Gündəm