Qırmızı.az
İŞİD Azərbaycana gələrsə?– Sələfi liderindən ilginc açıqlamalar
Azərbaycanda sələfilərin lideri, “Əbu-Bəkr” məscidinin imamı Qamət Süleymanov Azərbaycanda İŞİD təhlükəsi, sələfilərin bu qruplaşmaya münasibətini Publika.az-a müsahibəsində şərh edib.
- Son günlər hər kəs İŞİD-dən danışır. Bildiyiniz kimi, bu
qrup Azərbaycanla bağlı da təhlükəli açıqlamalar vermişdi. İŞİD
Azərbaycanın üzərinə gələrsə, sələfilər hansı mövqeni
tutacaq?
- İŞİD radikal dini qrupdur. Mötəbər alimlərdən heç biri onları
qəbul etmir. Azərbaycan sələfilərinin mövqeyi onlara qarşıdır.
Hesab edirəm ki, belə bir şey olarsa, Azərbaycandakı sələfilər
onları dəstəkləməz.
- Yəni dövlətin yanında olacaqsınız?
- Biz İŞİD-ə qarşı olacağıq. Onlar xəvaric fikirlərə qarışmış
insanlardır. Amma onu da deyim ki, İraqda, sadəcə, İŞİD şişirdilib.
Ümumiyyətlə, İraqda Maliki hökumətinə qarşı ərəb sünniləri
qalxıblar. İŞİD onların, bəlkə də, 10 faizidir. Lakin təbliğat elə
gedir ki, sanki hamısı İŞİD-dir.
- Maraqlı bir məqam var ki, İŞİD İraqa girəndə əhli-sünnəyə
toxunmadı.
- Dediyim kimi, İraqda Maliki hökumətinə qarşı döyüşən qrupların
hamısı İŞİD deyil. Orada əsas qruplar əhli-sünnilərdir. Biz bilirik
ki, İŞİD Suriyada, əsasən, müxalifəti öldürürdü. Sadəcə, İraqda
İŞİD tək olmadığına görə bəziləri əhaliyə toxunmur. Həm də İŞİD-in
əvvəli İraq İslam Dövləti idi. Əsas əmiri Bağdadi idi, üzvləri də
iraqlılardan ibarət idi. Amerikanlar onları dağıdandan sonra
Suriyaya keçərək Əl-Qaidə və Ən-Nusraya qoşuldular. Bir müddət
döyüşəndən sonra ayrıldılar. Ən-Nusradan olanlar təkfir fikirləri
ilə deyil, cihad fikirləri ilə seçilirlər. Ən-Nusrada təkfirə
meyillilər İŞİD-ə qoşuldu və İrq Şam İslam Dövləti oldu. Amma,
əslində, İraq İslam Dövlətidir. Suriyadakı İŞİD İraqdakı İŞİD-dən
fərqlidir. Sadəcə, İraqda İŞİD-ə çox adam qarışıb.
- Onların məqsədləri də fərqlidir, yoxsa?
- Məqsəd baxımından da başqadırlar. İŞİD ayrıca təkfirçi dəstədir.
Amma İraqda döyüşən digər qruplarsa etirazçı olaraq Malikiyə qarşı
döyüşənlərdir.
- Bu axının Azərbaycana təsiri nə dərəcədə ola
bilər?
- Azərbaycana təhlükə yoxdur. Sadəcə olaraq, bu fikirdə olan
adamlar var. İŞİD-dən əvvəl də var idi. Bu gün İŞİD-i
dəstəkləyənlər də var. Bu, müəyyən qədər problemdir. Amma real
təhlükə görünmür. Çünki mənə elə gəlir ki, azərbaycanlılar da
Malikinin çağırışlarını qəbul etmir. Əgər Maliki dəyişsə,
amerikanlar İŞİDİ-i vuracaq.
Hesab edirəm ki, Əbu-Bəkr məscidi bağlanandan sonra ölkədə
radikallıqla bağlı böyük fəsadlar baş verdi. Radikal qruplar sosial
şəbəkələrdə çağırışlara başladılar. Suriyaya gedənlər oldu. Ona
görə də Azərbaycanda radikallığa qarşı ən böyük addımlardan biri
“Əbu-Bəkr”in açıqlamasıdır.
- İŞİD-i dəstəkləyənlər kimlərdir? Ölkə ictimaiyyəti,
adətən, sələfilərlə İŞİD-i eyni tutur. Sosial şəbəkələrdən də
görürük ki, İŞİD-in təbliğatını aparanlar özlərini sələfi olaraq
təqdim edirlər.
- Onlar sələfi deyillər. Təbii ki, təkfirçi olduqlarının qəbul
etmirlər. Lakin fikirlərində, çağırışlarında sələfi olduqlarının
görmək olur. Sələfi olan İŞİD-i dəstəkləməz. Onlar azmış
dəstələrdir. İŞİD-i dəstəkləyən özünə sələfi deməsin. Onlar
yalançılardır.
- Yeri gəlmişkən, bu gün sələfilər, əsasən, harada ibadət
edirlər?
- Sələfilər hazırda Qaraçuxur və İlahiyyat məscidlərində ibadət
edirlər.
- Bu günlədə Ləzgi məscidində radikal dini qruplara qarşı
əməliyyat keçirilməsi xəbəri yayıldı. Bu barədə nə deyə
bilərsiniz?
- Bu məlumat düzgün deyildi. Sadəcə olaraq, Ləzgi məscidində cümə
namazlarına polis nəzarəti var.
- Azərbaycanlıların Suriyaya getməsi əvvəllər daha intensiv
idi. Son vaxtlar bu bir qədər azalıb sanki.
- Gedənlər onsuz da gedir. Bunu idarə etmək çətindir. Amma
saylarının nə qədər olduğunu demək çətindir. Çünki onlar
getdiklərini açıq şəkildə demirlər və gedəndə hətta valideynlərini
belə aldadırlar. Sadəcə olaraq, əvvəllər orda öldürülənlərin
fotoları yayılırdı və bu, cəmiyyətdə əks-effekt yaradırdı. İndi isə
bu bir qədər azalıb.
- Hesab etmək olar ki, Suriyaya getməyə meyilli olanlar
indi də İraqa gedəcəklər?
- Məlumatlar göstərir ki, İŞİD-də azərbaycanlılar da var. Eyni
zamanda, Ən-Nusra və digər dəstələrə də qoşulanlar var. Amma təkfir
fikirlilər, əsasən, İŞİD-ə qoşulmağa meyillidirlər.
Asif Nərimanlı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?