• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

İŞİD-ə qoşulan 23 yaşlı qadının ailə dramı

İŞİD-ə qoşulan 23 yaşlı qadının ailə dramı

Suriyada terrorçu qruplaşmaların tərkibində vuruşan azərbaycanlılar haqda məlumatların ard-arası kəsilmir. Bu dəfə sizə Ağdaşlı qızİŞİD-ə qoşulan Xanım İsmayılovadan söhbət açacağıq.

23 yaşlı Xanım İsmayılova əri ilə birlikdə bu ay Suriyaya yola düşdükdən sonra başlarına nə gəlib?

İslamazeri.az-ın reqion müxbirinə Xanım İsmayılovanın valideynləri bu haqda danışıblar.

3 illik ailənin dramı belə başladı…

3 il bundan əvvəl həmkəndlisi 31 yaşlı Məmməd İsmayılovla ailə quran cütlük 2 azyaşlı uşağını götürərək ötən ayın 13-də Bakıya işləmək adı ilə gediblər.

Ayın 18-nə qədər onlarla mobil telefonla əlaqə saxlayan ailə üzvləri Bakıda işlədiklərini və yaxşı dolandıqlarını eşidiblər. Lakin həmin tarixdən sonra onlarla əlaqə saxlamaq mümkün olmayıb və telefonlarına zəng çatmayıb.

Nə qız ailəsi, nə də oğlan tərəfi onların harda olmasını və hara getmələrini dəqiqləşdirə bilməyiblər.

Dərhal DİN-nə, Ağdaş rayon polis şöbəsinə məlumat verən qızın ailəsinə məlumat verilib ki, onlar ayın 19-da birlikdə Suriyaya gediblər. Məlum olub ki, vəhhabi əqidəsini qəbul edən cütlük həmin gün saat 14:30 radələrində Bakını tərk ediblər.

Ərimi öldürdülər…

Suriyaya əri ilə könüllü gedən Xanım İsmayılova bu ayın 8-də atası Süleyman Baxışovla əlaqə saxlayıb. Hər şeyin yaxşı olduğunu və bura onlardan gizli gəldiyini etiraf etsə də, geri dönməyəcəyini, Suriyada onlara yaxşı baxıldığını bildirib.

Ayın 18-də yenidən atası ilə əlaqə saxlayan qız ərinin Suriyada öldürüldüyünü deyib… Bunun üçün ərinin ailəsinə məlumat verməsini xahiş edən qız özünün və iki azyaşlı uşağının geri dönməyəcəyini bildirib.

Gözü yaşlı ata…

Atasının sözlərinə görə, qısa danışıqda qızı onlara Suriyada mühacirlərə yaxşı baxıldığını, körpələrə müavinət verildiyini, ərzaq və geyim məsələsində əziyyət çəkmədiklərini deyib və geri qayıtmayacağını bildirib. Ondan sonra ailə heç cür onlarla əlaqə saxlaya bilməyib və aidiyyəti qurumlardan kömək gəlmədiyini bildirir.
Atanın sözlərinə görə, onlar qızını və onun azyaşlı uşağını geriyə – vətənə qaytarmaq istəyirlər.

İŞİD-ə qoşulublarmış…

Vəhhabi cütlüyün Suriyaya getdikdən sonra “İraq Şam İslam Dövləti” terrorçu qruplaşmasına qoşulduğu bildirilir.

Onlar Ağdaşda yaşadıqları vaxtdan vəhhabi təriqətini qəbul ediblər. Ora yollanmalarına da bunun təsiri olub.

Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-dən çox azərbaycanlı öldürülüb.

Xəbər lenti

DAHA ÇOX XƏBƏR