• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Bu şəhərlərdə oruc 22 saatdır

Bu şəhərlərdə oruc 22 saatdır

Artıq bütün dünya müsəlmanları müqəddəs ramazan ayının astanasındadır. ANS PRESS-in xəbərinə görə, dünyada 1.5 milyarddan çox müsəlman var və onların tutacağı orucun müddəti yaşadıqları ölkələrə görə fərqli olacaq. Bu il yayın orta ayı iyula təsadüf edən ramazan orucunu bəzi şəhərlər maksimum həddə 22 saat, bəzi şəhərlər isə minimum həddə 8 saat tutacaq.

Hər il olduğu kimi bu il də bəyaz gecələrin yaşandığı Skandinaviya ölkələrində yaşayanlar ən uzun orucu tutacaqlar. Bildirilir ki, ramazanın ilk günü İsveçin Kiruna şəhəri 21 saat 55 dəqiqə, Norveçin Tromso şəhəri 21 saat 51 dəqiqə, İslandiyanın Reykyavik şəhəri sakinləri 21 saat 50 dəqiqə oruc tutacaqlar. Burda yaşayan müsəlmanların sutka ərzində sadəcə 2 saat yemək-içmək üçün vaxtı olacaq. Bu ölkələrdə iqlim şəraiti sərin olduğundan burda yaşayan müsəlmanların oruc vaxtı çox da əziyyət çəkməsi gözlənilmir.

Dünyada ən qısa vaxt oruc tutana şəhər isə Argentinanın Uşuayya şəhəri olacaq. Məlumata görə, burda yaşayan möminlər sadəcə 8 saat 56 dəqiqə oruc tutacaqlar.

Bundan başqa Helsinki, Oslo və Kopenhagendə yaşayan müsəlmanlar 21 saat oruc tutacaqlar.

Bu şəhərlərdə yaşayan müsəlmanların ən böyük problem isə iftar ziyafətlərinə getməkdir. Bu yerlərdə vaxt az olduğundan hər kəs orucunu öz evində açmağa üstünlük verir.

Azərbaycanlı möminlər isə 24 saatlıq sutkanın 17 saata yaxınını oruclu keçirəcəklər.

Allah oruclarınızı, dualarınızı, namazlarınızı və bütün ibadətlərinizi qəbul etsin!

Xəbər lenti

DAHA ÇOX XƏBƏR