Qırmızı.az
Növbəti qəbul imtahanı keçiriləcək
Tələbə Qəbulu üzrə Dövlət Komissiyası (TQDK) tərəfindən iyunun 29-da ümumi orta təhsil bazasında (9 illik) orta ixtisas təhsili müəssisələrinə əvvəlki illərin məzunları üçün qəbul imtahanı keçiriləcək.
Publika.az-ın məlumatına görə, TQDK sədri Məleykə Abbaszadə bu gün
keçirilən mətbuat konfransında deyib ki, abituriyentlərin
ərizələrinin qəbulu mayın 12-dən iyunun 13-dək internet vasitəsilə
aparılıb.
Onun sözlərinə görə, imtahanda iştirak etmək üçün 14923 abituriyent
ərizə təqdim edib. Onlardan 5459 nəfərini oğlanlar, 9464 nəfərini
qızlar təşkil edir.
TQDK sədri bildirib ki, 14380 abituriyent Azərbaycan bölməsi, 543
abituriyent isə rus bölməsi üzrə imtahan verəcək: "Ərizə verənlərin
15 nəfəri artıq orta ixtisas təhsili müəssisələrinin məzunları
olmuş şəxslər, 50 abituriyent xarici ölkə vətəndaşıdır. Ən yaşlı
abituriyent 1965-ci il, ən gənc abituriyent 1999-cu il
təvəllüdlüdür. Qəbul imtahanı mərkəzləşmiş qaydada respublikanın 14
şəhərində - Bakı, Naxçıvan, Gəncə, Sumqayıt, Mingəçevir, Şəki,
Tovuz, Ağcabədi, Göyçay, Şirvan, Salyan, Lənkəran, Masallı və
Xaçmazda keçiriləcək. İmtahan bütün binalarda eyni vaxtda - saat
11:00-da başlanacaq".
İmtahan 1 saat 30 dəqiqə ərzində aparılır və abituriyentlərə Ana dili və riyaziyyat fənlərinin hər birindən 30 sual (ümumilikdə 60 sual) təqdim olunur. Abituriyentin balları hesablandıqda hər düzgün cavab 1 balla qiymətləndirilir. Ümumi bal hər bir fənn üzrə toplanılan balların cəmi əsasında müəyyənləşir və toplanıla bilən maksimal bal 60-a bərabər olur. İxtisas seçimi iyulun 2-dən 10-dək həyata keçiriləcəkdir. İxtisas seçiminə ümumi balı 16-dan və hər bir fənn üzrə balı 8-dən az olmayan abituriyentlər buraxılacaqlar.
M.Abbaszadə deyib ki, ümumi orta təhsil bazasında (9 illik) orta
ixtisas təhsili müəssisələrinə qəbul olmaq üçün qeydiyyatdan keçmiş
cari il məzunlarının bu təhsil pilləsinə (kolleclərə) müsabiqəsi
buraxılış imtahanlarının nəticələri əsasında aparılacaq. Belə ki,
həmin kateqoriyadan olan abituriyentlər kolleclərə qəbul olmaq üçün
buraxılış imtahanından əlavə imtahan verməyəcəklər.
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO