Qırmızı.az
Ceyrançöldə 15 minə yaxın partlamamış hərbi sursat zərərsizləşdirilib
Ceyrançöl Təmizləmə Layihəsinin birinci mərhələsi çərçivəsində 14 min 578 partlamamış hərbi sursat (PHS) tapılaraq zərərsizləşdirilib.
Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANAMA) mətbuat xidmətindən Publika.az-a verilən məlumata görə, ANAMA və NATO/NSPA-nın Azərbaycanda mina və PHS-lərin təmizlənməsi birgə layihəsi olan Ceyrançöl Təmizləmə Layihəsinin birinci mərhələsi çərçivəsində 28 ay ərzində 19 kv.km ərazi tam təmizlənib və 14 min 578 PHS tapılaraq zərərsizləşdirilib.
Layihənin ikinci mərhələsinə 2014-cü ilin iyul ayından start verilməsi və 24 ay müddətində 23.584.545 kv.m əhatə edən sahənin təmizlənməsi nəzərdə tutulur.
Qeyd edək ki, Azərbaycan-Gürcüstan sərhədi boyunca ölkənin şimal-qərb hissəsində yerləşən Ceyrançöl ərazisi 1955-1991-ci illər ərzində keçmiş Sovet hərbi ordusunun sınaq və təlim ərazisi kimi intensiv surətdə istifadə edilmişdir. Ərazidə olan mina və partlamamış hərbi sursatlar yerli əhali üçün ciddi və daim artan təhlükə yaradır.
ANAMA-NATO/NSPA Sülh Naminə Tərəfdaşlıq Etimad Fondunun "Ceyrançöl təmizləmə layihəsi"nin birinci mərhələsi olan 19 kv.km ərazinin təmizlənməsi NATO tərəfindən 4 Oktyabr 2011-ci il tarixdə rəsmən təsdiq olunub. Layihə üzrə aparıcı ölkə rolunu ABŞ öz üzərinə götürüb. Azərbaycan Höküməti bu layihənin ölkə üçün əhəmiyyətini nəzərə alaraq, layihənin ümumi dəyərinin 50% miqdarında maliyyə vəsaiti ayırıb.
Ceyrançöl Təmizləmə Layihəsinin ikinci mərhələsinə iyulun 8-də başlanacaq. Bu məqsədlə Bakıda xüsusi mərasim təşkil ediləcək.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!