• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Bakıda hamilə qadını vurub qaçan sürücü tutuldu

Bakıda hamilə qadını vurub qaçan sürücü tutuldu

Ötən gün Abşeron rayonu, Hökməli qəsəbəsi ərazisində iki piyadanı vurub qaçan şəxs polisin keçirdiyi əməliyyat tədbirləri nəticəsində saxlanılıb.

Abşeron Rayon Polis Şöbəsinin İstintaq Bölməsinin rəisi Bilal Nədiyevin Publika.az-a verdiyi məlumata görə, hadisəni törədən sürücü Ehtiram Müzəffərli idarə etdiyi “Zil” markalı maşınla yolu keçən piyadaları Fərhad Nuriyev və onun həyat yoldaşı Səbinə Əməşovanı vurduğunu etiraf edib.

Qəza zamanı hamilə qadın dünyasını dəyişib. Onun həyat yoldaşı ağır bədən xəsarətləri ilə 1saylı Şəhər Klinik Xəstəxanasına çatdırılıb. Ehtiram Müzəffərlinin istintaqa verdiyi ifadəsinə görə, onlar anidən maşının qarşısına keciblər.

“Bu zaman əyləci saxlaya bilmədim, onda gördüm ki, hərəsi yolun bir kənarına düşdü. Özümü itirdim, bilmədim nə edim, qorxduğum üçün qaçdım”.

Ehtiram Müzəffərli barəsində Abşeron Rayon Məhkəməsində artıq həbs qətimkan tədbiri seçilib.

1 saylı Şəhər Klinik Xəstəxanasından verilən məlumata görə, hadisədə xəsarət alan Fərhad Nuriyev kəlllə- beyinin əzilməsi diaqnozu ilə xəstəxanaya daxil olub, onun vəziyyəti otra ağırdır.

Simnarə

Xəbər lenti

DAHA ÇOX XƏBƏR