• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Azərbaycanda meşə zolağında böyük yanğın

Azərbaycanda meşə zolağında böyük yanğın

Bu gün 17.00 radələrindən başlayaraq Siyəzən rayonunun Kiçik Həmyə kəndi ərazisindəki meşə massivində böyük yanğın başlayıb.

ANS PRESS-in məlumatına görə, bu haqda informasiyanı Siyəzən Fövqəladə Hallar Komissiyasının sədri, Siyəzən RİH başçısının müavini Zəfər Əliyev yayıb.

Onun sözlərinə görə, yanğını söndürmək üçün FHN-in Siyəzən rayon dövlət yanğından mühafizə xidmətindən, Sumqayıtdan və qonşu Şabran və Xaçmaz rayonlarının hər birindən 2 yanğınsöndürən maşın əraziyə cəlb edilib.

Rayon ərazisindəki su maşınları da meşə massivinin söndürülməsi əməliyyatında iştirak edirlər.

FHN-in xəttilə yanğın ocağına helikopterlərin də cəlb ediləcəyi gözlənilir.

Yanğının başlamasına səbəb kimi havaların isti keçməsi göstərilir.

Meşə massivində başlayan yanğının yaşayış evlərinə keçməməsi üçün ərazidə qabaqlayıcı tədbirlər görülür.

Xəbər lenti

DAHA ÇOX XƏBƏR