Şimşək çaxacaq, yağış yağacaq

Sabahdan Bakıda və Abşeron yarımadasında küləyin mülayimləşəcəyi gözlənilsə də, yaxın günlər ərzində temperaturun elə də çox yüksələcəyi proqnozlaşdırılmır.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev Publika.az-a bildirib ki, Bakıda və Abşeron yarımadasında iyulun 8-dən 9-na keçən gecə bəzi yerlərdə yağış yağacağı, şimşək çaxacağı gözlənilir.

İyulun 9-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi ehtimalı var. Şimal-qərb küləyi əsəcək. Sabah günün ikinci yarısından Bakıda və Abşeron yarımadasında külək mülayimləşəcək.

Bakıda və Abşeron yarımadasında havanın temperaturu gecə 19-24, gündüz 28-33 dərəcə isti olacaq.

Abşeron çimərliklərində dəniz suyunun temperaturu: Sumqayıt, Novxanı, Pirşağı, Nardaran, Bilgəhdə 24-25, Zağulba, Mərdəkan, Şüvəlan, Buzovnada 25-26, Türkan, Hövsan, Şıx, Sahildə 26-27 dərəcə isti təşkil edəcək.

Azərbaycanın rayonlarında hava gündüz əsasən yağmursuz keçəcək, lakin gecə və axşam bəzi yerlərdə şimşək çaxacağı, yağış yağacağı ehtimalı var. Qərb küləyi əsəcək, ayrı-ayrı yerlərdə arabir güclənəcək.

Havanın temperaturu Aran rayonlarında gecə 19-24, gündüz 32-37, dağlarda gecə 11-16, gündüz 21-26 dərəcə isti olacaq.