Heydər Əliyev adına Müasir Təhsil Kompleksi elan verdi

Heydər Əliyev adına Müasir Təhsil Kompleksi keçən tədris ilində Təhsil Nazirliyinin keçirdiyi respublika fənn olimpiadalarının yekun turunda riyaziyyat, fizika, kimya, biologiya və informatika fənləri üzrə I və II yer tutmuş şagirdlərin müsabiqə yolu ilə ödənişsiz qəbulunu elan edib.

Bu barədə Modern.az-a təhsil kompleksindən bildirilib.

2001-2014-cü illər ərzində məktəbin 350-yə yaxın məzunu olub. Məzunlar bir qayda olaraq, yüksək nəticələrlə respublikanın və xarici ölkələrin nüfuzlu ali məktəblərinə daxil olublar. Məzunlardan 8 nəfəri qəbul imtahanlarında yüksək nəticə göstərdiklərinə görə “Prezident təqaüdünə” layiq görülüb.

Son üç il ərzində məktəb məzunlarından 19 nəfər qızıl və 1 nəfər gümüş medala layiq görülüblər. Məktəbin şagirdləri dəfələrlə beynəlxalq və yerli fənn olimpiadalarının, müxtəlif idman yarışlarının, müsabiqə və oyunların qalibi olub. Beynəlxalq olimpiadalarda 12 qızıl, 12 gümüş, 6 bürünc medal, respublika fənn olimpiadalarında 16 qızıl, 19 gümüş, 17 bürünc medal qazanılıb.

Maraqlananlar www.mtk.edu.az internet səhifəsindən məlimat əldə edə bilərlər.