FHN İnstitutla müqavilə imzaladı

Standartlaşdırma, Metrologiya və Patent üzrə Dövlət Komitəsinin Azərbaycan Standartlaşdırma və Sertifikatlaşdırma İnstitutu və Fövqəladə Hallar Nazirliyinin Mülki Müdafiə Qoşunlarının Komandanlığı arasında müqavilə imzalanıb. SMPDK-nin mətbuat xidmətindən Publika.az-a verilən məlumata görə, müqavilə standartlaşdırma üzrə xidmətlərin həyata keçirilməsi istiqamətində 5 il müddətinə imzalanıb

Müqavilə çərçivəsində mülki müdafiə sahəsində fəaliyyət göstərən radiasiya və kimya laboratoriyasında radioloji, kimyəvi, bioloji ekspress və stasionar analizlərin aparılması, fərdi mühafizə vasitələrinin dövrü laboratoriya sınaqlarının aparılması və nəticələrinin dövlət standartlarına uyğunluğunun yoxlanılması istiqamətində beynəlxalq təcrübəyə uyğun olaraq yeni milli standartların hazırlanması nəzərdə tutulur. Həmçinin yeyinti məhsullarının sınaq metodikaları və kimyəvi, bioloji, bakterioloji normalara uyğunluğunun yoxlanılması üzrə yeni standartların hazırlanması da bura daxil edilib.