• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

SABAH qruplarında müsahibə mərhələsi başlandı

SABAH qruplarında müsahibə mərhələsi başlandı

Bu gündən başlayaraq SABAH qruplarına qəbul olmaq istəyən namizədlər üçün Bakıdakı 202 nömrəli tam orta məktəbdə müsahibə keçirilir. Müsahibə 3 gün davam edəcək. Bu barədə Publika.az-a Təhsil Nazirliyinin mətbuat xidmətindən məlumat verilib.

Müsahibə mərhələsinə II mərhələnin yekunlarına əsasən yetərli bal toplayan 24 ixtisas üzrə 750-yə yaxın tələbə buraxılıb.

SABAH qrupunun tam tərkibi tələbələrin akademik göstəriciləri, test imtahanından topladığı ballar, müsahibənin nəticələri təhlil olunduqdan sonra müəyyən ediləcək.

Qeyd edək ki, SABAH qruplarına ərizələrin qəbulu mayın 12-dən iyunun 15-dək aparılıb. Müsabiqənin II mərhələsində - imtahanlarda iştirak etmək üçün 53 ixtisas üzrə 2500-dən çox tələbə qeydiyyatdan keçib.

İyulun 6-da keçirilən imtahanlarda ümumilikdə 1154 nəfər namizəd iştirak edib.

Xəbər lenti

DAHA ÇOX XƏBƏR