• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Nazirliyə müraciətlərin sayı azalıb

Nazirliyə müraciətlərin sayı azalıb

Əmək və Əhalinin Sosial Müdafiəsi Nazirliyində (ƏƏSMN) son 6 ayda 8500 nəfərə yaxın vətəndaşın müraciəti dinlənilib.

ƏƏSMN-nin İctimaiyyətlə əlaqələr şöbəsindən Publika.az-a verilən məlumata görə, Nazirliyin rəhbərliyi tərəfindən əhali ilə təmasların intensivləşdirilməsinə, mövcud problemlər haqqında ilk mənbədən məlumat alınması və qərar qəbul olunmasına xüsusi diqqət yetirilir.

Cari ilin ilk yarımilində əmək və əhalinin sosial müdafiəsi naziri tərəfindən 649 nəfər, nazirliyin məsul işçiləri tərəfindən isə 7845 nəfər vətəndaş qəbul olunaraq müraciətləri dinlənilib. Qeyd olunan dövrdə vətəndaşlar tərəfindən ƏƏSMN-ə ünvanlanan 22050 yazılı müraciətdə qaldırılan əsas məsələlər araşdırılaraq müvafiq tədbirlər görülüb.

Müraciətlərdə əksini tapan məsələlərin obyektiv və ədalətli həlli istiqamətində görülən tədbirlərin nəticəsi kimi, son 6 ayda vətəndaşların şikayət xarakterli müraciətlərinin sayı ötən ilin müvafiq dövrü ilə müqayisədə 1,5 dəfə azalıb. Eyni zamanda, Azərbaycan Respublikasının Baş Prokurorluğunun "161-Qaynar xətt" əlaqə mərkəzindən nəzarət qaydasında ƏƏSMN-ə daxil olan müraciətlərin sayı da ötən ilin müvafiq dövrünə nisbətən 34 faiz azalıb.

Xəbər lenti

DAHA ÇOX XƏBƏR