Qırmızı.az

TQDK apellyasiya komissiyası yaratdı

21 İyul 2014 11:23

Tələbə Qəbulu üzrə Dövlət Komissiyası (TQDK) ali təhsil müəssisələrinə və tam orta ixtisas təhsili müəssisələrinə II və III ixtisas qrupları üzrə keçirilmiş qəbul imtahanında istifadə olunmuş test tapşırıqlarının məzmunu ilə bağlı apelyasiya komissiyası yaradıb.Bu barədə Publika.az-a TQDK-nın mətbuat xidmətindən məlumat verilib.

Apelyasiya komissiyasına müraciət etmək istəyənlər iyul ayının 21-də saat 10-dan 17-dək şəxsiyyət vəsiqələri ilə TQDK-ya müraciət edə bilərlər.

Xatırladaq ki, ali təhsil müəssisələrinə və tam orta ixtisas təhsili müəssisələrinə II və III ixtisas qrupları üzrə keçirilmiş qəbul imtahanı iyulun 20-də keçirilib.