• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Uzun müddət təhsildən kənarda qalmış insanlarla bağlı qərar

Uzun müddət təhsildən kənarda qalmış insanlarla bağlı qərar

Təhsil naziri Mikayıl Cabbarov fərdi təhsil üzrə nümunəvi tədris planının təsdiqi barədə əmri imzalayıb. Təhsil Nazirliyindən Publika.az-a verilən məlumata görə, əmrə əsasən uzun müddət təhsildən kənarda qalmış şəxslərin ümumtəhsil məktəblərində təşkil olunan fərdi təhsilinə aid 2014-2015-ci dərs ili üçün tədris planı və tədris planına dair “Qeydlər” təsdiq ediləcək.

Tədris planına daxil edilən fənlər üzrə proqramlar nəzərdə tutulan həftəlik dərs saatlarının miqdarına uyğun olaraq, ən zəruri bilik və bacarıqların mənimsədilməsini təmin edilməklə müvafiq ümumi təhsil proqramları əsasında aidiyyəti fənn müəllimlərinin iştirakı ilə təhsil şöbəsinin metodkabineti tərəfindən hazırlanıb təsdiq olunur.

Tədris planı üzrə dərslər həftədə 4 (dörd) gün təşkil edilir. Dərs məşğələlərinin müddəti 45 dəqiqədir. Dərs saatı həftədə 0,5 saat olan fənlər dərs cədvəlində qeyd edilməklə həftəaşırı tədris olunur. Fərdi təhsilə cəlb olunmuş şəxslər dərs ili ərzində müəyyən edilmiş tətillərə ümumtəhsil məktəb şagirdləri ilə eyni vaxtda buraxılırlar.

Əmrin icrasına nəzarət nazir müavini C.Bayramova həvalə olunub. Fərdi təhsil üzrə nümunəvi tədris planı I-VIII siniflər üçün rus və Azərbaycan bölməsi üzrə nəzərdə tutulub.

Gülxar

Xəbər lenti

DAHA ÇOX XƏBƏR