• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Şeyxin rəhbərliyiylə bayram namazı qılındı

Şeyxin rəhbərliyiylə bayram namazı qılındı

Bu gün müsəlmanlar Müqəddəs Ramazan bayramını qeyd edirlər. Azərbaycanda müqəddəs Ramazan ayının başa çatması münasibətilə bu gün səhər saatlarında bayram namazı qılınıb.

Anspress-in məlumatına görə, Təzəpir məscidində saat 9.00-da başlayan namaz isə QMİ sədri, Şeyxülislam Hacı Allahşükür Paşazadənin rəhbərliyi ilə qılınıb.

Əjdərbəy məscidində isə namaz Qafqaz Müsəlmanları İdarəsinin (QMİ) sədr müavini Hacı Salman Musayevin başçılığı ilə qılınıb.

Namazda yüzlərlə insan iştirak edib.

Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə bayram münasibəti ilə bir daha müsəlmanları təbrik edib. QMİ sədri əmin-amanlıq arzulayıb, Qarabağ torpaqlarının işğaldan azad olunması üçün dualar etdiyini bildirib.

Ramazan ayı insanlara Allahı sevmək prinsiplərini öyrədir, onlara öz iradə qüvvələrini, dözümlüyünü yoxlamaq imkanı verir, onları gözüaçıq, təmiz vicdanlı olmağa yönəldir və oruc tutmaqla ifadə olunur. İslamda ilin ayları arasında Ramazan ayı ən şəfaqətli və ən müqəddəs ay hesab edilir. Ramazan ayını "on bir ayın sultanı" da adlandırırlar. Ramazan bayramının məqsədlərindən biri müsəlmanların toplanması və görüşməsidir.

Xəbər lenti

DAHA ÇOX XƏBƏR