Kənan MM-ə cinayət işi açılıb – TƏFƏRRÜAT (YENİLƏNİB)

Kənan Mahmudovla Vüqar Muradovun hadisədən sonra barışdıqları bildirilsə də, Binəqədi Rayon Polis İdarəsinin 5-ci polis bölməsindən Publika.az-a bildirilib ki, rejissor Kənan MM mügənni Vüqar Mahmudovun və qardaşı Vüsal Mahmudovun yazdıqları şikayət ərizəsi əsasında saxlanıb.

Bildirilib ki, hələ ki, istintaq gedir, Kənan Mahmudov barəsində bu gün qətimkan tədbirinin seçilməsi nəzərdə tutulur.

11:13

Tanınmış rejissor Kənan MM həbs olunub.

Binəqədi Rayon Prokurorluğundan Publika.az-a verilən xəbərə görə, rejissor barəsində xuliqanlıq maddəsilə cinayət işi başlanıb.

Hadisəyə səbəb Kənan MM-lə “Yeni ulduz ” layihəsinin qalibi, müğənni Vüqar Muradov arasında yararmış mübahisə olub.

ATV kanalında yayımlanan “Ulduzların döyüşü” müsabiqəsində yarışan Vüqar Muradovun Kənan MM-ə qalib gəlməsi rejissorun qəzəbinə səbəb olub və o, V.Muradovun ünvanına mətbuatda kəskin açıqlamalar verib.

Beləliklə, onların arasında mübahisə düşüb. Mübahisədən sonra Kənan idmançı dostları ilə birlikdə müğənnini döyüb.

Bu səbədən də rejissor həbs olunub və barəsində cinayət işi başlanıb.

Qeyd edək ki, Kənan MM-in saxlanmasıyla bağlı ilk xəbəri Qafqazinfo.az saytı yayıb.

Simnarə