Nazirlik: Ermənilərin cəbhədə itki verməyimiz barədə yaydığı xəbərlər təxribatdır
Bizi izləyin
Kanon

Qırmızı.az

Nazirlik: Ermənilərin cəbhədə itki verməyimiz barədə yaydığı xəbərlər təxribatdır

Azərbaycan Müdafiə Nazirliyi Ermənistan KİV-nin Azərbaycan hərbçilərinin cəbhə xəttində hücuma keçdiyi və bu zaman çoxlu itki verdiyi ilə bağlı yayılan məlumata münasibət bildirib.

"Trend" xəbər verir ki, Ermənistan KİV-ləri xəbər yayıb ki, iyulun 31-ə keçən gecə Azərbaycan "diversiya qrupu" Dağlıq Qarabağda cəbhə xəttinin şimal istiqamətində erməni silahlı birləşmələrinin dayaq məntəqəsinə hücum edib.

Baş verən atışmada iki erməni hərbçinin öldüyü, Azərbaycan Ordusunun da xeyli itki verərək geri çəkildiyi bildirilir.

Azərbaycan Müdafiə Nazirliyinin mətbuat xidmətindən isə Publika.az-a bildiriblər ki, Ermənistan KİV-in yaydığı bu məlumat əsassızdır: "Belə bir hal baş verməyib. Bu, erməni tərəfinin növbəti uydurmasıdır. Ermənistan mediasının Azərbaycan Ordusunun cəbhədə itki verməsi barədə yaydığı xəbərlər təxribatdır".

Oxumağa davam et
Reklam
Reklam

Gündəm

Kanon