Az ağır və yüngül xəsarət növlərinin siyahısı təsdiqləndi

Azərbaycan hökuməti az ağır və yüngül xəsarət növlərinin siyahısını təsdiq edib.

Nazirlər Kabinetindən Trend-ə bildiriblər ki, sağlamlığın 21 gün və daha uzun müddətdə pozulması ilə nəticələnən, ümumi əmək qabiliyyətinin üçdə bir hissəsindən az olmaqla (10%-dən 33%-ə qədər), dayanıqlı itirilməsi ilə nəticələnən xəsarətlər az ağır xəsarətlər hesab ediləcək.

Sağlamlığın qısa müddətdə (21gündən az) pozulmasına səbəb olan xəsarətlər, 11-12-ci qabırğalar istisna olmaqla, bir qabırğanın fraqmentlərinin yerini dəyişməyən sınığı, burun sümüyünün cərrahi müdaxilə tələb etməyən deformasiyasız sınığı, əl və ayaq barmaqlarının falanqa sümüklərinin sadə (yerini dəyişməyən, qəlpəsiz) sınıqları (əllərin 1-ci barmaq­ları, ayaqların 1, 2 və 3-cü barmaqları istisna olmaqla), cərrahi tikilən və ya cərrahi tikişə ehtiyacı olan yaralar, baş beyin silkələnməsi, sağlamlığı qısa müddətə pozan digər zədələnmələr, əmək qabiliyyətinin cüzi (10%-ə qədər) dayanıqlı itirilməsinə səbəb olan zədələnmələr yüngül xəsarətlər hesab ediləcək.