Qırmızı.az
Diktor Ramiz Qafarov: “Məni toylara çağırın”
Ramiz Qafarov Dövlət, idman və mədəni tədbirlərin aparıcısı kimi
məşhur olan adamdır. Səsi ilə tanıdığımız məşhur illərdir ölkəmizin
mərkəzi stadionunda, idman və mədəniyyət saraylarında öz səsi ilə
diqqətləri üzərinə toplamağı bacarıb.
Amma bu dəfə Ramiz müəllim sənətində dəyişiklik edib. Belə ki, o,
müğənniliyə də başlayıb. İnternet portallarında onun mahnı
oxuyarkən videosu paylaşılıb. Bununla bağlı Ramiz Qafarovun özü ilə
əlaqə saxladıq. Məşhur diktor Publika.az-a danışarkən müğənniliyə
gəlməsindən danışdı:
- Ramiz müəllim, deyəsən, yeni sənətə başlayıbsız -
müğənniliyə?
- Bəli, o videoda mahnı oxuyan mənəm. Mən hələ o vaxtdan bir neçə
mahnı bəstələmişəm. "Cənab leytenant" mahnısı da mənə məxsusdur.
Bundan əlavə, futbol klublarımıza, eyni zamanda, “Neftçi”yə də
mahnı bəstələmişəm. Futboldan başqa voleybolçularımıza da mahnı
bəstələmişəm.
Başqa bir çox mahıların bəstəkarıyam, həmin bəstələrimi Nisə
Qasımova, Ağadadaş Ağayev, "Qala" qrupu, Nüşabə Ələsgərli, Günel
Aslan kimi bir çox müğənnilər oxuyub.
Son vaxtlar oxuduğum “Nənəm” mahnısı çox məşhurlaşıb. Hərkəs ona
qulaq asır.
- Necə oldu ki, oxumağa qərar verdiniz?
- Mənim oxumağımı çox bəyənirdilər. Oxumağım üçün çox xahiş
etdilər. Hələ müğənni kimi üzə çıxmamışdan öncə toylarda çox xahiş
edirdilər, mahnı oxuyurdum. Heç o toya nə aparıcı kimi gedirdim, nə
də oxuyan kimi... Olurdu ki, toylarda 7-8 mahnımı oxuyurdum.
Bir dəfə bir tanışım xahiş etmişdi, toyda üç mahnı oxuyum, mən isə
o qədər həvəslə oxudum ki, səkkiz mahnı oxudum. Amma bu
oxuduqlarımdan pul almırdım.
Yenə deyirəm, çox xahiş etdilər. Xalq mənə “Çox gözəl oxuyursunuz,
mahnılarınızı özünüz ifa edin” dedilər. Xahiş etdilər.
Mahnılarımı özüm aranjiman edirəm. Özüməxas, fərqli ifa tərzim var.
Hətta Amerikada, Rusiyada və digər xarici ölkələrdə məni tanıyanlar
mahnı oxumağımı çox xahiş etdilər.
- İmicinizdə də dəyişiklik etdiniz ...
- İmicimdə də də dəyilişkliklər etdim. Efirə çıxıram deyə
insanların gözünü yormaq istəmədim. Müğənni fərqli geyimdə
olmalıdır. Əvvəlki ciddi geyimdən çıxa bilməzdim axı. Kök, qarınlı
...
Bundan əlavə, mənə dəyişiklik etmək lazım olduğunu dedilər, mən də
etdim.
- Başqa nə dəyişiklik etdiniz?
- Dediyim kimi, camaat içinə çıxıram. Toylara gedirəm deyə, kilo
saldım. Saç əkdirdim, ağarmış tüklərimi rənglədim. Hətta 120-130 kq
idim. İndi o çəkidən canımı qurtarmışam. Üz-gözümə bir az əl
gəzdirdim.
İndi hamı mənə "optimist görünüşünüz var" deyir. Oxuduqlarıma uyğun
imicə keçmişəm. Bir sözlə, Ramiz Qafarov dövlət tədbirlərindən xalq
şənliklərinə gəlir. (gülür)
Hətta növbəti efirə cinslə çıxdım. Aparıcı mənə "cins şalvarın,
deyəsən, dardı axı bir az" dedi. Mən də onlara dedim bu cinsdir,
cins dar olmalıdır. Müğənni bilməlidir ki, onun səhnə görünüşü
olmalıdır. Camaatın gözünü yormamalıdır.
- İndi çəkiniz neçədir?
- İndi, haradasa, 90 kq olar. 20-30 kq salmışam. Cavan oğlan
kimiyəm. (gülür)
- Heç sizə bu sahəni seçdiyiniz üçün irad tutanlar
oldumu?
- Birincisi, heç kimin xəbəri yoxdur. İkinci də, mən indi bəstəkar
müğənniyəm. Elə təqdim olunuram. Əvvəllər ancaq idman və dövlət
tədbirlərinə gedirdim. İndi toylara gedirəm. Toylarda aparıcılıq
edirəm.
- Belə çıxır ki, daha idman tədbirləri olsa,
getməyəcəksiz?
- Yox, niyə ki.... Yenə dəvət etsələr, yenə də gedərəm. Amma indi
həm də toylara gedəcəm.
Sizə deyim ki, o vaxt nazirlər, vəzifəli adamlar deyirdilər ki,
oğlumun toyu dövlət tədbiri kimi aparılsın. Buna görə mənə dəvət
göndərirdilər ki, övladlarının toyunu mən aparım. Amma o vaxt
dövlət tədbirləri apardığım üçün toylara getmirdim. İndi sizin
vasitənizlə səslənirəm: Mən xalq içinə gəlirəm.
Aygün İlqarqızı
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq