Nazirlik yararsız məhsulları satışdan çıxardı

Yararsız məhsullar satışdan çıxarılıb. Publika.az xəbər verir ki, İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı Sumqayıt şəhərində 2-ci mikrorayon, N.Nərimanov küçəsi 46/42 ünvanında Əziz Məmmədova məxsus mağazada; Şamaxı şəhərində - S.Bəhlulzadə küçəsində Rəşad Osmanova məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların satılması aşkar edilərək satışdan çıxarılıb.

Bakının Suraxanı rayonunda Hövsan qəsəbəsi, E.Qasımov küçəsi, 15 ünvanında Nizami Niyazova məxsus mağazada; Yeni Suraxanı qəsəbəsi, M.Əzizbəyov küçəsi, 17 ünvanında Kamalə Müzəffərovaya məxsus mağazada; Nəsimi rayonunda F.Qasımzadə küçəsi, 1 ünvanında Rüstəm Rüstəmova məxsus mağazada; o cümlədən, Sumqayıt şəhərində 47-ci məhəllə, Koroğlu prospektində Yadulla Paşayevə məxsus “Ülvi” şadlıq evində; 45-ci məhəllə, H.Əliyev prospekti, 5/81 ünvanında Azad Cabbarova məxsus mağazada da yararsız məhsullar aşkar edilib.

Gəncə şəhərində H.Əliyev prospekti ilə Dədə Qorqud küçəsinin kəsişməsində Səyyarə Kazımovaya məxsus yeməkxanada normativ-texniki sənədlərin tələblərinə uyğun olmayan malların; Bakının Binəqədi rayonunda Yeni yaşayış sahəsində Səbuhi Rüstəmova məxsus mağazada; Nəsimi rayonunda M.Qaşqay küçəsi, 41/16 ünvanında Emin Vəliyevə məxsus mağazada; Gəncə şəhərində 4-cü mikrorayon, M.Xələfov küçəsində Şəmil Əliyevə məxsus mağazada və Hərbi şəhərcik, 83 ünvanında Nigar Salmanovaya məxsus mağazada; Ağcabədi şəhərində Ü.Hacıbəyli küçəsində Mehman Mehralıyevə məxsus mağazada; F.Əlizadə küçəsində Gündüz Talıbova məxsus mağazada, Xaçmaz şəhərində N.Nərimanov küçəsində Vüsal Quliyevə məxsus mağazada saxlama müddəti ötmüş malların satıldığı aşkarlanıb.

Nazirlik bildirir ki, qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.

İstehlakçılardan istifadə müddəti ötmüş, keyfiyyətsiz malların satışı halları ilə rastlaşdıqda, 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidməti və İqtisadiyyat və Sənaye Nazirliyinin 195-2 Telefon Məlumat Mərkəzinə məlumat vermələri xahiş olunur.

Gülnar