Yanğınsöndürənləri aldatdılar

Bakıda “Qayınana” kinosu gerçək olub. Fərq yalnız dəlixana əvəzinə yanğınsöndürənə edilmiş zəngdədir. Mətbuatda Yasamal rayonu, Nərimanov prospektində yerləşən Cəfər Cabbarlı adına kitabxananın yanması barədə məlumat yayılıb.

Publika.az Milli.Az-a istinadən xəbər verir ki, Fövqəladə Hallar Nazirliyinin Yanğından Mühafizə Xidmətindən verilən məlumat gözlənilməz olub. Həmin kitabxanaya yanğınsöndürən maşınlar göndərilib, amma məsələ fərqli olub. Kitabxananın bir əməkdaşının ürəyi gedib. Onun iş yoldaşları isə təcili yardım əvəzinə yanğınsöndürənlərə zəng ediblər.

Yanğınsöndürənlər həmin kitabxanaya getsələr də, gördükləri mənzərədən çaş-baş qalıblar.

Nazirliyin mətbuat xidmətindən Publika.az-a bildirilib ki, Dövlət Yanğından Mühafizə Xidmətinin “101” qaynar telefon xəttinə Bakı şəhəri, Yasamal rayonunda Cəfər Cabbarlı adına kitabxanada yanğın hadisəsi baş verməsi barədə məlumat daxil olub. Hadisə yerinə DYMX-nin müvafiq qüvvələri cəlb edilib. Göstərilən ünvanda yanğın hadisəsi aşkar olunmayıb.