Əflatun Amaşov: “Bəzi mətbuat orqanları reketçilik fəaliyyətini elektron mediaya köçürür”

Ötən il senytabr ayında keçirilmiş sorğu əsasında insanların 40%-i inormasiya mənbəyi kimi internetdən aldığı müəyyən edilmişdi.

2020-ci ildə informasiya mənbəyi əsasən internet olacaq. Ölkəmizdə də bu sahədə imkanlar genişlənir. Ötən il ölkə ərazisində 70 yaxın xəbər portalı yaranıb.

Bu sayın gündən günə artması bu istiqamətdə fəaliyyətimizi artırmağımıza əsas veriri. Artıq bununla bağlı Azərbaycan jurnalistlərinin peşə davranış qaydalarını hazırlamışıq.

Mətbuat şurasının idarə heyətinin 3 üzvü məhz xəbər portallarının nümayəndəsidir.

Bu sözləri Mət buat Şurasının sədri Əflatun Amaşov İnternet medianın informasiya təhlükəsizliyi” mövzusunda keçirilən tədbirdə səsləndirib.

Şura sədri ötən ildən internet portalları ilə bağlı informasiya mərkəzinin yaradıldığını dedi:

“Bu ili informasiya ili elan etdiyimizdən Mətbuat Şurasının işini bu istiqamətdə inkişaf etdirəcəyik. Hər ay xəbər saytların monitorinq keçiriləcək, onların dil normalarına nə qədər əməl etmələri yoxlanılacaq.

Bu həm portalların fəaliyyətinin genişlənməsi, həm də reket qəzetlərin fəaliyyətini internet üzərinə köçürməsi ilə əlaqədardır. 10-dan çox xəbər portalı mətbuat şurasının üzvüdür, 30-a yaxın bu cür müraciət var.

Bu ilin sonuna kimi bu istiqmaətdə tədbirlər keçiriləcək”.

Gülxar