Qırmızı.az
Azərbaycanda doğulan Ərdoğanlar, Səddamlar, Hüsnü-Mübarəklər və Ayətullah - ARAŞDIRMA
Azərbaycan cəmiyyətində məşhur insanların adlarına həmişə böyük maraq olub. Bu baxımdan bəzi valideynlərin yeni doğulan övladlarına məşhur siyasi liderlərin, müğənnilərin, aktyorların, teleserial qəhrəmanlarının adlarını verməsi təsadüfi deyil. Hətta onlar əcnəbi olsalar belə…
İraqın keçmiş lideri Səddam Hüseynin məşhur vaxtlarında bu ölkədən çox-çox uzaqda yerləşən Azərbaycanda uşaqlarına Səddam adı qoyanlar vardı. Elə indi də belə valideynlər az deyilmiş.
Modern.az saytı son illər Azərbaycanda yeni
doğulan uşaqlara məşhur şəxslərin şərəfinə verilən adlarla bağlı
araşdırmasını təqdim edir.
Beləliklə, Azərbaycanda körpələrə hansı məşhur əcnəbilərin şərəfinə
yeni adlar veriblər?
Modern.az-ın Ədliyyə Nazirliyindən əldə etdiyi məlumatlar çox maraqlıdır. Bu məlumatlardan məlum olur ki, Türkiyənin məşhur siyasi xadimi, keçmiş baş nazir – yeni prezident Rəsəb Tayyib Ərdoğana Azərbaycandakı simpatiya o həddəymiş ki, son 5 ildə 7 körpəyə onun şərəfinə Ərdoğan adı verilib. Bir valideyn isə yeni dünyaya gəlmiş oğlunun adını doğum haqqında şəhadətnamədə Rəcəbtaib yazdırıb.
Hələ bu harasıdır... Ədliyyə Nazirliyinin məlumatına görə,
2010-2014-cü illər ərzində Azərbaycanda doğulan 384 oğlan uşağına
Abdullah adı verilib. Güman etmək olar ki, bu,
Türkiyənin eks-prezidenti Abdullah Gülün ismi ilə əlaqəlidir. Son 5
ildə dünyaya gələn 30 qız uşağı da Gül
adlandırılıb.
Yeri gəlmişkən, Türkiyənin “Kurtlar vadisi pusu” teleserialının
Azərbaycanda populyar olduğunu hamı bilir. Bu serialın baş
qəhrəmanlarının adları uşaqdan-böyüyə hər kəsin dilində gəzir.
Yəqin elə bu səbəbdəndir ki, son 5 ildə ölkəmizdə doğulan 81
körpəyə Ələmdar adı verilib ki, bu da “Kurtlar
vadisi pusu”nin əsas qəhrəmanı Polad Ələmdarın təsiri ilə baş
verib.
Türk seriallarından söz düşmüşkən, Azərbaycanda maraqla izlənilən
“Möhtəşəm Yüzil” adlı ekran əsərinin nümayişi bu yaxınlarda başa
çatsa da, onunla bağlı müzakirələr bitmək bilmir. Bu serialnın
qəhrəmanları, xüsusilə Hürəm sultanın adı çoxlarının qəlbinə necə
yol tapıbsa, 2011-2014-də 17 körpə azərbaycanlı qız övladına
Hürrəm adı verilib.
Sultan Süleymanın şahzadələrindən bəhs edən “Möhtəşəm Yüzil” serilanının təsirindən Azərbaycanda anadan olmuş 62 körpə qızın və 4 oğlanın doğum haqqında şəhadətnaməsinə isə Şahzadə adı yazılıb.
Bir neçə il öncə Azərbaycanda böyük tamaşaçı kütləsi qazanan və hər
kəsin müzakirə etdiyi İran istehsalı “Həzrəti Yusif” teleserialı
yaddaşlardan silinməyib. Ədliyyə Nazirliyindən əldə etdiyimiz
məlumata görə, 2010-2014-cü illər ərzində 258 oğlan uşağına
Həzrət, 2 körpəyə isə
Həzrətiyusif adı verilib.
İrandan bəhs etmişkən, bu ölkədə din xadimlərinin Ayətullah adlı
titul daşıdığını bilməmiş deyilsiniz. Azərbaycanda valideynlərinin
Ayətullah adı verdiyi bir oğlanın hazırda 4 yaşı
var.
Yazının əvvəlində İraqın eks-diktatoru Saddam Hüseynin adını qeyd
etmişdik. Ədliyyə Nazirliyinin məlumatına görə, son 5 ildə
Azərbaycanda 5 oğlan uşağına Səddam adı
qoyulub.
2010-2014-cü illərdə ölkəmizdə dünyaya gəlmiş 5 oğlana və 5 qıza
Hüsnü, 3 körpəyə (2 qız, 1 oğlan) isə
Mübarək adı verilib. Bu körpələrə Misirin
eks-prezidenti Hüsnü Mübarəkin şərəfində belə adlar verildiyini
ehtimal etmək olar.
Azərbaycanda Suriyanı qan gölünə döndərən prezident Bəşər Əsədin də
yeni doğulan adaşları az deyil. Son 5 ildə ölkəmizdə 2 oğlana
Bəşər, 165 oğlana isə Əsəd adı
verilib. Ən təəcüblüsü bu il doğulmuş bir körpə qız uşağına da
Əsəd adının qoyulmasıdır.
Modern.az saytı Ədliyyə Nazirliyindən daha bir maraqlı məlumat əldə
edib. Bu, son 5 ildə Azərbaycanda doğulan 11 oğlana
Artur adının verilməsiylə bağlıdır. Bu ad
çəkilərkən ağlımıza ilk gələn şəxs ölkəmizin hazırki baş naziri
Artur Rasizadə olur.
Ədliyyə Nazirliyinin rəsmi məlumatında 2014-cü ildə yeni doğulan
bir oğlan uşağına Marks adının verildiyini görmək
bir qədər təəccüblü də olsa, bu, faktdır.
Yazının sonluğu daha maraqlı məlumatdan ibarətdir. Belə ki,
Bakıda Qəddafi adlı uşaq da yaşayırmış. Həm də o,
başqa millətdən deyil, azərbaycanlıdır. Doğum haqqında
şəhadətnaməsinə də belə yazılıb: Qəddafi.
12 yaşlı Qəddafi Bakı şəhəri Nərimanov rayonundakı 73 nömrəli orta
məktəbdə oxuyur. Balaca Qəddafinin özü adının mənasını, mənşəyini
bilir, ya bilmir, bunu deyə bilmərik. Qəddafinin valideynləri
siyasi prosesləri izləməyən sadə adamlardır. Onlar bu adı 12 il
öncə telekanalların birindən eşidiblər. Həmin vaxt kanallardan biri
Liviyanın məşhur eks-lideri Müəmmər Qəddafinin hansısa ölkəyə
səfərindən reportaj verirmiş. Ad valideynlərin xoşuna gəldiyindən o
ərəfədə ailədə doğulan oğlan uşağına Qəddafi adını verməyi qərara
alıblar. Elə şəhadətnaməsinə də beləcə yazdırıblar – Qəddafi.
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO