Qırmızı.az
Vəkillərin istintaqı məqsədli şəkildə uzatmaq imkanı olmayacaq - ÖZƏL
İstintaq prosesinin müəyyən mərhələsində təyin olunmuş vəkil ondan öncə aparılmış istintaq hərəkətlərinin onun iştirakı ilə təkrar aparılmasını tələb etmək hüququndan məhrum ediləcək.
Milli Məclisinin Hüquq siyasəti və dövlət quruculuğu komitəsinin üzvü Rafael Cəbrayılov Publika.az-a bildirib ki, Cinayət-Prosessual Məcəlləsinə belə bir dəyişiklik edilməsi ilə bağlı parlamentə prezident tərəfindən yeni qanun layihəsi təqdim olunub.
Qanunvericiliyə belə bir dəyişikliyin edilməsində məqsəd təqsirləndirilən şəxs və onun vəkili tərəfindən istintaq prosesinin süni şəkildə qəsdən uzadılması hallarının qarşısını almaqdır.
“Bildiyiniz kimi, şübhəli və ya təqsirləndirilən şəxsin müdafiəçidən imtina etmək istəyi onun hüququdur. Amma istintaqın müəyyən mərhələsindən təqsirləndirilən şəxs istəməsə belə, müstəntiq ona vəkil verir. Yaxud da, istintaqın müəyyən mərhələsində təqsirləndirilən şəxs vəkil istəyir. Bu zaman prosesə daxil olacaq vəkil ondan öncə aparılmış istintaq hərəkətlərinin onun iştirakı ilə təkrar aparılmasını tələb edə bilməyəcək. Hazırda qüvvədə olan qanunvericilik isə vəkilə belə bir hüquq verirdi. Bununla da istintaq müddətini süni şəkildə artırmaq mümkün idi”,- o bildirib.
Qanun layihəsi komitənin iclasında müzakirə edildikdən sonra parlamentin iclasının gündəliyinə salınacaq.
Vasif Həsənli
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”