• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Təhsil Nazirliyindən məktəbli kitabçalarındakı reklamlara reaksiya

Təhsil Nazirliyindən məktəbli kitabçalarındakı reklamlara reaksiya

Məktəbli kitabçalarında mobil operatorların təklif etdikləri tariflərdən tutmuş, internet paketləri haqqında məlumatlara qədər müxtəlif reklamlar yerləşdirilib. Sosial şəbəkələrdə də bu barədə yeni şəkillər yayılıb.

Gündəliklərin təkcə ön və arxa hissələrində deyil, dərs tapşırıqlarını qeyd etmək üçün nəzərdə tutulan cədvəllərin də arasında müxtəlif reklamlara rast gəlmək mümkündür.

Məktəbli kitabçalarında bu hal bir neçə ildir müşahidə edilir. Təhsil Nazirliyi hər dəfə kitabçaların onlar tərəfindən çap edilmədiyini əsas gətirərək, məsuliyyət daşımadıqlarını bildirib. Məsələ yenidən gündəmə gəldiyindən Təhsil Nazirliyinə yenidən sorğu ilə müraciət etdik.

Publika.az-ın sorğusuna cavab belə oldu:

“Təhsil Nazirliyi bu məsələ ilə məşğul olmur. Gündəliklərin çapı özəl nəşriyyatlar tərəfindən həyata keçirilir”.

Xatırladaq ki, bu kitabçalar bir neçə ildir məktəblərdə satılırdı. Bu ildən isə məktəblərdə satış dayandırılıb.

Gülxar

Xəbər lenti

DAHA ÇOX XƏBƏR