Gömrük komitəsi qaçaqmalçıları ifşa etdi
Bizi izləyin

Qırmızı.az

Gömrük komitəsi qaçaqmalçıları ifşa etdi

Ölkəmizin gömrük orqanları qaçaqmalçılıq hallarına qarşı mübarizə tədbirlərini davam etdirir. Bu günlərdə Aksiz Baş Gömrük İdarəsində spirtli içkilərin qaçaqmalçılığı ilə bağlı fakt aşkarlanıb.

Belə ki, Aksiz Baş Gömrük İdarəsinin gömrük hüquqpozmalarına qarşı mübarizə şöbəsinə Azərbaycan Respublikasının aksiz markası ilə markalanmamış spirtli içkilərin - araqların respublika ərazisinə qaçaqmalçılıq yolu ilə gətirilərək satılması barədə əməliyyat məlumatı daxil olub.

Dövlət Gömrük Komitəsindən Publika.az-a verilən məlumata görə, keçirilmiş əməliyyat tədbirləri nəticəsində Azərbaycan Respublikasının vətəndaşı Aşırov Rövşən Aşır oğlunun idarə etdiyi “MERCEDES BENZ SPRİNTER” markalı, “90-VU-566” dövlət nömrə nişanlı sərnişin mikroavtobusuna baxış zamanı həmin mikroavtobusda sərnişin qismində əyləşmiş İsmayılov Faiq Aydın oğluna məxsus karton qutularda Rusiya Federasiyasının aksiz markası ilə markalanmış külli miqdarda “KREMLİN Avard” və “TALKA” araqları aşkar edilərək götürülüb.

Faktla bağlı təhqiqat aparılır.

Oxumağa davam et
Reklam
Reklam

Gündəm