• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Peşə təhsilinə maraq artır

Peşə təhsilinə maraq artır

"Peşə təhsili “Təhsilin inkişafına dair dövlət proqramının səciyyəvi sahələrindən biri kimi dəyərləndirilir. Hiss edirik ki, peşə təhsilinə maraq artır. Ötən ildən həyata keçirilən “Müasir Azərbaycan peşəkarları” layihəsi də məhz bu sahənin inkişafına yönəlib".

Publika.az-ın məlumatına görə, bunu jurnalistlərə açıqlamasında təhsil nazirinin müavini Ceyhun Bayramov deyib.

Onun sözlərinə görə, layihənin həyata keçirilməsində xarici şirkətlər də iştirak edir:

“Layihəyə əsasən tədris prosesi real iqtisadiyyatın təlabatına uyğun şirkətlərin təşkilatçılığı ilə həyata keçirilir. Burada tədris müasir tələblərə uyğun qurulur. Bu layihələr hamısı iqtisadiyyatla birlikdə həyata keçirilir. Bununla həm peşəkarlıq səviyyəsinin qaldırılması və ilk peşə təhsilinin ictimai nüfuzunun artırılmasına nail ola biləcəyik. Bu yaxınlarda ən yeni standartlara uyğun qurulmuş peşə təhsili müəssisəsinin açılışını edəcəyik.”

Nazir müavini onu da vurğulayıb ki, təhsil islahatlarının uğurla həyata keçirilməsi təhsil müəssisələri ilə işəgötürənlər arasında sıx əlaqə qurulmalıdır. Buna yalnız öhdəlik kimi baxmaq lazım deyil. İşəgötürənlərin bu işdə xüsusi səy göstərməsi vacibdir. Hesab edirik ki, bu layihənin həyata keçirilməsi, bizneslə təhsil sektoru arasında əlaqələrin daha da inkişaf edəcək”.


Gülxar

Xəbər lenti

DAHA ÇOX XƏBƏR