Qırmızı.az
Mehriban Əliyeva Bakıda ilk dəfə keçirilən “V1 Challenge Azerbaijan” yarışının açılış mərasimində iştirak edib
Bu gün Azərbaycan Avtomobil Federasiyasının təşkilatçılığı ilə Bakı Kristal Zalında ilk dəfə olaraq “V1 Challenge Azerbaijan” yarışı start götürüb.
Trend-in məlumatına görə, yarışın açılış mərasimində Azərbaycanın
birinci xanımı, Heydər Əliyev Fondunun prezidenti Mehriban Əliyeva,
Heydər Əliyev Fondunun vitse-prezidenti Leyla Əliyeva və Arzu
Əliyeva iştirak ediblər.
Əvvəlcə "V1 Challenge Azerbaijan" yarışının təqdimat şousu keçirilib.
Təqdimat şousunda İsraildən olan dünya şöhrətli “Voca People” qrupu konsert proqramı ilə çıxış edib.
Tamaşaçılara incə yumor, gözəl səslər və maraqlı repertuarları
özündə cəmləşdirən proqram təqdim olunub. Canlı vokal səslənmə ilə
yüksək səviyyəli bitboksu özündə birləşdirən akapella-şou zövqləri
oxşayıb.
Sonra şounun aparıcısı Murad Dadaşov səhnəyə çıxıb. O qonaqları salamlayaraq qeyd edib ki, Azərbaycanda ilk dəfə olaraq belə bir möhtəşəm yarış keçirilir.
Sonra Azərbaycanın üçrəngli bayrağı ilə bəzədilmiş kart maşınların
nümayişi olub. Bundan əlavə, "V1 Challenge Azerbaijan" yarışmasına
hazırlığı əks etdirən videoçarx nümayiş etdirilib.
Daha sonra isə Azərbaycan Avtomobil Federasiyasının Prezidenti Anar
Ələkbərov yarışmanı rəsmi olaraq açıq elan edib.
Tamaşaçıları salamlayan A.Ələkbərov qeyd edib ki, Azərbaycanın bir-
birindən maraqlı və əhəmiyyətli tədbirlərə, beynəlxalq
konfranslara, forumlara, sərgilərə və idman yarışlarına ev
sahibliyi etməsinin şahidi oluruq:
“Fərəhləndirici haldır ki, bu gün Azərbaycanın müxtəlif sahələrdə
əldə etdiyi təcrübə və nailiyyətlər, bir çox istiqamətlərdə həyata
keçirdiyi layihələr beyəlxalq qurumlar tərəfindən örnək kimi qəbul
edilir. Ölkəmizin coğrafi mövqeyi və tarixi, xalqımızın
mədəniyyətlər və sivilizasiyalararası dialoqa verdiyi önəm
Azərbaycanı yüksək tolerantlıq ənənələrinin və multikulturalizm
dəyərlərinin mövcud olduğu məkan kimi tanıdıb”.
Federasiya prezidenti vurğulayıb ki, dövlət siyasətinin nəticəsi
olaraq, bu gün biz Azərbaycanı dünya birliyində idman ölkəsi kimi
də təqdim edə bilərik.
A.Ələkbərov vurğulayıb ki, son 10 ildə Azərbaycanda 40-dan çox
olimpiya mərkəzi istifadəyə verilib, gənc idmançılarımız qarşısında
yeni perspektivlər və imkanlar açılıb:
“Biz dəfələrlə ayrı-ayrı idman növləri üzrə dünya və Avropa
çempionatlarına ev sahibliyi etmişik. Bu gün isə paytaxtımız
2015-ci ildə idman tarixində ilk dəfə keçiriləcək birinci Avropa
Oyunlarına hazırlaşır. Ölkəmizin beynəlxalq tədbirlərin keçirilməsi
sahəsində əldə etdiyi təcrübə, təşkilat komitəsinin səyləri,
Azərbaycan Respublikasının Prezidenti İlham Əliyevin yüksək templə
görülən hazırlıq işlərinə birbaşa nəzarət etməsi deməyə əsas verir
ki, Azərbaycan birinci Avropa Oyunlarını layiqincə keçirəcək”.
Federasiya prezidenti bildirib ki, idmanın təbliği, idman infrastrukturunun yaradılması və yenilənməsi, əhalinin maarifləndirilməsi kimi mühüm sahələri əhatə edən dövlət siyasəti ayrı-ayrı qurumları, o cümlədən Azərbaycan Avtomobil Federasiyasını bu sahələrdə daha aktiv fəaliyyətə sövq edir:
“Azərbaycan Avtomobil Federasiyası avtomobil idmanı, yol hərəkəti təhlükəsizliyi və yol hərəkəti iştirakçılarının hüquqlarının müdafiəsi, avtomobil sənayesi və nəqliyyat infrastrukturu, avtomobil yarışları üzrə mütəxəssislərin, peşəkar pilotların hazırlanması sahəsində yeni layihələrin həyata keçirilməsinə başlayıb. Bizim əsas məqsədimiz ölkə ərazisində yol hərəkəti təhlükəsizliyi və mədəniyyətinin təbliğ olunmasına, vətəndaşların, xüsusilə də yaşlı və gənclərin yol hərəkəti təhlükəsizliyi mözusunda maarifləndirilməsinə, nəqliyyat vasitələrinin istismarı sahəsində ətraf mühitin mühafizəsinə yönəlmiş layihələri reallaşdırmaqdır”.
A.Ələkbərov əlavə edib ki, siması gündən-günə dəyişən Bakıda
aparılan quruculuq işləri, salınan yeni yollar və körpülər idman
yarışları həvəskarlarına avtomobil yarışlarını paytaxtımızda canlı
izləmək şansını da verir:
“2016-cı ildə ölkəmizdə ilk dəfə olaraq “Formula-1” üzrə Avropa
Qran-pri yarışları keçiriləcək və Azərbaycan Avtomobil Federasiyası
yarışların rəsmi tərəfdaşı kimi tədbirin təşkilində yaxından
köməklik göstərəcək”.
A.Ələkbərov vurğulayıb ki, bu gün keçirilən "V1 Challenge
Azerbaijan" yarışımasında 12 ölkədən, o cümlədən Almaniya, Belçika,
Bolqarstan, Fransa, Xorvatiya, İtalya, Livan, Moldova, Portuqaliya,
Türkiyə və Türkmənistandan peşəkar pilotlar yarışacaqlar.
Çıxışdan sonra Azərbaycan Respublikasının dövlət himni
səsləndirilib. Bundan sonra isə tryüklar nümayiş etdirilib.
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?