Qırmızı.az

TQDK DİN-də işləmək istəyənləri sınağa çəkdi

12 Oktyabr 2014 20:28

Tələbə Qəbulu üzrə Dövlət Komissiyası (TQDK) oktyabrın 12-də Daxili İşlər Orqanlarında vakant vəzifələrə qəbul olunmaq istəyən namizədlər üçün test imtahanı keçirib.

Publika.az-ın TQDK-nın rəsmi internet səhifəsinə istinadən verdiyi əbərə görə, imtahan saat 11:00-da Bakı Qızlar Universitetinin binasında başlayıb və 3 saat davam edib.

İmtahan nəticələri 15:30-dan etibarən Komissiyanın internet saytında yerləşdirilib.

Test imtahanında 65 və daha çox bal toplayan namizədlər müsabiqənin yekun mərhələsinə - müsahibəyə buraxılıblar.

Müsabiqədə iştirak etmək üçün 55 nəfərin namizədliyi qeydə alınıb. Onlardan 2 nəfəri imtahana gəlməyib. İmtahanda iştirak edən 53 namizəddən 33 nəfəri müsabiqə şərtini ödəyərək ikinci mərhələyə buraxılıb. Ən yüksək nəticə 87 bal olub.

Nəticələrlə bu linkdən baxmaq olar