• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Vulkan püskürməsinin səbəbi bilindi

Vulkan püskürməsinin səbəbi bilindi

Azərbaycan Milli Elmlər Akademiyası Geologiya İnstitutunun Palçıq vulkanizmi şöbəsinin əməkdaşları Keyrəki vulkanının baş vermə səbəblərini araşdırıb.

Bu barədə Publika.az-a adıçəkilən şöbənin müdiri Adil Əliyev məlumat verib.

“İki gün əvvəl 13:30 radələrində Keyrəki vulkan ocağında baş verən püskürmə zəif olub. Xüsusən də, 2001-ci illə müqayisədə çox zəif olub. Buna görə də, yaxınlıqdakı yaşayış evlərinə təsir etməyib. Keyrəki vulkanın püskürməsinin səbəbi ərazidə zəif seysmik aktivliyin olması ilə əlaqələndirilir. Əlbəttə, bu, ilkin ehtimaldır. Lakin ilkin ehtimala görə, vulkanın oyanmasının əsas səbəbi aktivlikdir”.

Onun sözlərinə görə, vulkanın püskürməsi nəticəsində 7.9 min kub metr tullantı yer səthinə atılıb. Bu tullantı 0.9 hektar sahəni tutub. Uzunluğu 90 və 100 metr olan iki palçıq axını əmələ gəlib.

Şöbə müdiri onu da vurğulayıb ki, vulkanın yenidən aktivləşməsi nəzərdə tutulmur. İki gün ərzində hər hansı yenilik müşahidə edilmədiyinə görə bu qənaətə gələ bilirik.

Qeyd edək ki, Bakı və Abşeron Yarımadası Palçıq Vulkanları Qrupu Dövlət Təbiət Qoruğuna daxil olan Keyrəki vulkanında iki gün əvvəl püskürmə baş verib. Bu vulkanda püskürmə 18 dəfə baş verib sonuncu püskürmə 2002-ci ilə olub.

Gülxar

Xəbər lenti

DAHA ÇOX XƏBƏR