Bölgə yazarları Bakıya yığışacaq – FOTO
Bizi izləyin

Qırmızı.az

Bölgə yazarları Bakıya yığışacaq – FOTO

Oktyabrın 18-də Rəşid Behbudov adına Azərbaycan Dövlət Mahnı Teatrında “Paytaxtdan bölgələrə....Bölgələrdən paytaxta...” layihəsi çərçivəsində “Zirvə tədbiri” adlı musiqili poeziya gecəsi keçiriləcək.


Layihənin rəhbəri Əfsanə Ələsgərli Publika.az-a bildirib ki, Dünya Gənc Türk Yazarlar Birliyinin gerçəkləşdirəcəyi tədbirdə Azərbaycanın müxtəlif bölgələrində yaşayıb-yaradan gənc istedadlı şairlərin ifasında şeirlər səsləndiriləcək. Münsiflər heyəti tərəfindən qiymətləndirilən və öz məzmun yükü, yaradıcı tapıntılarına görə seçilən ən yaxşı şeirlərin müəllifləri fəxri diplom və hədiyyələrlə təltif ediləcək.


Layihənin məqsədi paytaxt mühitindən kənarda - bölgələrdə yaşayıb-yaradan gənc istedadlı yazarları üzə çıxarmaq, yeni imzaları ədəbi mühitə qazandırmaq, bölgə yazarlarının ümumrespublika ədəbi mühitinə inteqrasiyasına yardımçı olmaqdır. Layihə çərçivəsində nəşr edilən “Bölgələrdən səslər – 2” toplusu da məhz bu məqsədlə nəşr olunub.

Qeyd edək ki, “Bölgələrdən səslər” toplusunun birinci hissəsi 2012-ci ildə işıq üzü görüb, ədəbi ictimaiyyət tərəfindən maraqla qarşılanıb.

Cəvahir

Oxumağa davam et
Reklam
Reklam

Gündəm